نازاربايەۆ استاناعا كوشىپ كەلگەن شەنەۋنىكتەر جايلى ءازىل ايتىپ بەردى
مەملەكەت باسشىسى استانانىڭ ەلوردا بولعاننان كەيىن العاشقى جىلدارى قانداي جاعدايدا دامىعانىن ەسكە الدى. ونىڭ ايتۋىنشا، قازاقستاننىڭ استاناسىن قازاقستان، ەسىل، سارى-ارقا دەپ اتاۋ تۋرالى ۇسىنىستار قاراستىرىلعان.
«تۇندە ۇيقىڭ كەلمەگەندە جاقسى ويلار كەلەدى. نەمەسە قازاق كەڭ دالادا اتپەن كەلە جاتقاندا جاقسى ويلار كەلەدى. ماعان ادەتتە تۇندە جاقسى ويلار كەلەدى، جانىمدا ءاردايىم ديكتوفون مەن بلوكنوت بولادى. وندا قاجەت دۇنيەلەردى ۇمىتپاۋ ءۇشىن جازىپ وتىرامىن. ارينە، استانا دەگەندە تاۆتولوگيا بار. بۇل اتاۋ ءسىڭىسىپ كەتتى. قازاق تىلىندە دە، ورىس تىلىندە دە، اعىلشىندا دا جاقسى جازىلادى، اتاۋى دا قىسقا، ەشقانداي سۇراق تۋمايدى. ونى وزگەرتۋدىڭ نە قاجەتى بار؟ مەن بۇل سۇراققا جاۋاپ بەرگەن بولاتىنمىن»، - دەدى نازاربايەۆ.
پرەزيدەنتتىڭ ايتۋىنشا، 1994 -جىلى ەلوردا اتاۋىن تاڭداۋدىڭ 52 پارامەترى قاراستىرىلعان. «ەلوردا قايدا ورنالاسۋى كەرەك، كولىك، سۋ رەسۋرستارى جانە تاعى دا باسقا»، - دەپ ءتۇسىندىردى پرەزيدەنت. ونىڭ ايتۋىنشا، پارلامەنت پرەزيدەنتتىڭ ۇسىنىسىنا كەلىسىمىن بەرگەن.
«پارلامەنت ارەڭ دەگەندە داۋىس بەردى، «جارايدى، داۋىس بەرە سالايىق، بۇگىن ونىڭ تۋعان كۇنى عوي. بۇل 40 جىلدان كەيىن عانا بولادى عوي. ول كەزدە ءبىز بولمايمىز دا. 1997 -جىلى، ياعني، ءۇش جىلدان سوڭ بارلىعى وسىندا كەلدى، ءبىز ولاردى پويىزدان كۇتىپ الدىق»، - دەدى پرەزيدەنت.
سونداي-اق، ول وبلىستاعى تابىستى كاسىپكەرلەردىڭ شەنەۋنىكتەردى ورنالاستىرۋعا كوتتەدجەردى ءبولىپ بەرگەنىن ايتىپ ءوتتى. مينيسترلىكتەگىلەر پارتيانىڭ ولكەلىك كوميتەتتەرىنىڭ عيماراتتارىنا ورنالاستىرىلدى. «پارتيانىڭ ولكەلىك كوميتەتىنىڭ عيماراتىن حرۋشوۆ «سەليننىي كرايدىڭ» ورتالىعى ەتكىسى كەلگەن ەدى. كەيىنىرەك ول ءتىپتى قازاقستاننىڭ استاناسىن سەلينوگراد دەپ وزگەرتكىسى كەلدى. مەن قازىر ونىڭ ىستەگەنىن قايتالاسام دا بولار ەدى، ءيا؟ پارتيانىڭ ولكەلىك كوميتەتى ۇلكەن بولىپ قۇرىلعان ەدى. وعان ماڭىنداعى وبلىستاردىڭ بارلىعى باعىناتىن. سولتۇستىك قازاقستان، قوستاناي، ءتىپتى پاۆلودار. ولكەلىك كوميتەت ۇكىمەتكە جاقسى بولاتىن. وندا ارتقى جاعىنان تاعى پرەزيدەنتتىڭ كەڭسەسىن سالعان ەدى»، - دەدى نازاربايەۆ.
ءبىراق كوتتەدجدەر ۇكىمەت مۇشەلەرىنىڭ بارلىعىنا جەتكەن جوق، سوندىقتان تاعى عيمارات سالۋ كەرەك بولدى. «شەنەۋنىكتەرگە تاعى ءبىر ءۇي سالىپ بەردىك. ءبىرىنشى جىل، ەكىنشى جىل. سەنبى بولعان سايىن - ۇشاق، بارلىعى الماتىعا كەتەدى. سودان 8 -ناۋرىز كەلىپ قالدى. مەن سودان ولارعا - وسىدان الماتىعا بىرەۋلەرىڭ كەتەتىن بولساڭدار، قايتىپ كەلمەڭدەر. ايەلدەرىڭمەن وسىندا كەلىڭدەر. ايەلدەرىڭدى سوندا (الماتىدا - اۆتور. ) تاستاپ، وزدەرىڭ مۇندا كەلدىڭدەر» دەدىم»، - دەپ اڭگىمەلەدى پرەزيدەنت.
وسى جەردە مەملەكەت باسشىسى بۇل جايلى كوپ انەكدوتتىڭ بار ەكەنىن ايتىپ ءوتتى. «ءوسىپ قالعان بالالار ۇيلەنە باستاعاندا اكەسىمەن كەڭەسە باستايدى عوي. «مەن وسىنداي قىزعا ۇيلەنگىم كەلەدى». سودان اكەسى «ول كىم؟ اتا-اناسى كىم؟»، - دەپ سۇرايدى. «اناسى كولىك مينيسترلىگىندە جۇمىس ىستەيدى»، - دەپ جاۋاپ بەرەدى ۇلى.
«بولمايدى، ۇلىم»، - دەيدى اكەسى. «نەگە؟»، - دەپ سۇرايدى ۇلى. «ول سەنىڭ اپكەڭ»، - دەيدى اكەسى. وسىلايشا، ۇلى بىرنەشە رەت ۇيلەنە الماي قالعان ەكەن. سودان ول اناسىمەن اقىلداسادى. اناسى بولسا ۇلىنا: «ۇيلەنە بەر، سەن دە ونىڭ بالاسى ەمەسسىڭ» دەپتى»، - دەپ ءازىل ايتىپ بەردى نازاربايەۆ.
وسىعان دەيىن نازاربايەۆتىڭ مەرزىمىنەن بۇرىن سايلاۋ وتكىزۋ تۋرالى سۇراققا جاۋاپ بەرگەنى حابارلانعان ەدى. كەيىن جۋرناليستەر ساياسي باسەكەلەستىكتىڭ جوقتىعى جايلى سۇراق قويعان بولاتىن.
ەسكە سالايىق، كەزدەسۋگە قاتىسۋشىلار «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋدى ىسكە اسىرۋ اياسىندا ەل ەكونوميكاسىن ترانسفورماتسيالاۋ ۇدەرىسىنىڭ ءبىرقاتار اسپەكتىلەرىن، سىبايلاس جەمقورلىققا قارسى كۇرەس ماسەلەلەرىن، قازىرگى ساياسي جاڭعىرۋ كەزەڭىنىڭ ەرەكشەلىكتەرىن، ب ۇ ۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قازاقستاننىڭ سىرتقى ساياسي باسىمدىقتارىن، سونداي- اق باسقا دا ماڭىزدى جايتتاردى تالقىلادى.
كەزدەسۋگە «قازاقستان»، «حابار»، «مير» تەلەارنالارىنىڭ، «ايقىن» گازەتىنىڭ، «Esquire» جۋرنالىنىڭ، «قازاقپارات» اقپارات اگەنتتىگىنىڭ جۋرناليستەرى قاتىستى.