ديماش قۇدايبەرگەن قىتايلىق تانىمال سايتقا قازاقشا سۇحبات بەردى - كەسكىن
10:30, 18 - ناۋرىز 2017
استانا. قازاقپارات- قىتايدىڭ «Singer 2017»بايقاۋىنا قاتىسىپ جاتقان قازاقستاندىق ءانشى ديماش قۇدايبەرگەن قىتايدىڭ ءبىر كۇندە ءبىر ميللياردتان استام كورەرمەن تاماشالايتىن Sina سايتىنا قازاقشا سۇحبات بەردى، دەپ حابارلايدى قازاقپارات ءتىلشىسى.
ديماش ءتىلشىنىڭ بارلىق سۇراقتارىنا جاۋاپ بەرىپ، بايقاۋداعى ونەر كورسەتۋى، جولىققان قيىندىقتارى جانە قىتاي ءتىلىن قالاي ۇيرەنگەنى تۋرالى سىر شەرتتى. سونداي-اق، ءوزىن قىتاي ەلىنە عانا ەمەس، بارشا الەمگە تانىتقان «Singer» جوباسىنا، قولداۋ كورسەتكەن قىتايلىق انشىلەرگە جانە بارشا جانكۇيەرلەرىنە العىسىن ءبىلدىردى.
ايتا كەتەرلىگى، Sina سايتىنىڭ Sina Weibo (تۆيتتەردىڭ بالاماسى) الەۋمەتتىك جەلىسىنە جۇكتەلگەن ۆيدەونى ءتورت ساعاتتا 1 ميلليون 800 مىڭ ادام كورگەن.
اۆتور: مۇحتار قاليموللا ۇلى