الاكولگە تۋريستەر ۇشاقپەن قاتىنايدى

تالدىقورعان. قازاقپارات - الماتى وبلىسىندا ءۇشارال اۋەجايىنىڭ قۇرىلىسى قىزۋ ءجۇرىپ جاتىر.

بيىلعى شومىلۋ ماۋسىمىندا دەمالۋشىلارعا الاكولگە ۇشاقپەن قاتىناۋ مۇمكىندىگى تۋادى، دەپ حابارلايدى قازاقپارات ءتىلشىسى.

اۋە كەمەسى ءۇش باعىت بويىنشا ءۇشارال-استانا، استانا -ءۇشارال، ءۇشارال-الماتى، الماتى-ءۇشارال جانە ءۇشارال-تالدىقورعان، تالدىقورعان-ءۇشارال قالالارىنان دەمالۋشىلاردى تاسىمالدايدى دەپ جوسپارلانۋدا.

ازىرگە اتالعان باعىتتار بويىنشا بيلەتتىڭ ناقتى قۇنى بەلگىلەنبەگەن. ءبىراق، حالىققا قولايلى باعانى بەكىتۋ ماقساتىندا رەسپۋبليكالىق بيۋدجەتتەن سۋبسيديا بولىنگەن. «80 ميلليون تەڭگە وسى بيلەتتىڭ قۇنىن حالىققا قولايلى ەتۋ ماقساتىندا ءبولىنىپ وتىر. جالپى 20-25 مىڭ تەڭگە توڭىرەگىندە بولادى دەگەن بولجام بار. سونداي-اق بيىل اقشي اۋىلىندا تەمىر ۆوكزالىنىڭ قۇرىلىسى باستالادى. جوبا قۇنى 186 ميلليون تەڭگەنى قۇرايدى. قۇرىلىس بيىل مامىردا باستالىپ، 1- قاراشادا اياقتالادى. بىلتىر 450 مىڭنان اسا ادام كول جاعالاۋىنا كەلىپ دەمالسا، بيىل 700 مىڭنان استام تۋريست كەلەدى دەپ كۇتىلۋدە»- دەدى الاكول اۋدانىنىڭ اكىمى الىبەك جاقانبايەۆ.

قازىر الاكول اۋدانىندا قۇرىلىسى ءجۇرىپ جاتقان ءۇشارال اۋەجايىنىڭ 50 پايىز جۇمىسى اياقتالدى. جوبانىڭ جالپى قۇنى 889 ميلليون تەڭگەنى قۇرايدى. ءبىر اۋىسىمدا 50 ادامعا قىزمەت كورسەتۋ كوزدەلگەن.

اۆتور: سامال قابىشەۆا