قانات يسلامنىڭ استاناداعى جەكپە-جەگىنىڭ وتەتىن كۇنى بەلگىلى بولدى
«ءبىز قازىرگى ۋاقىتتا 9- قىركۇيەككە بەلگىلەدىك. سىزدەردى بىلمەيمىن، ءبىز دايىندالىپ جاتىرمىز»، - دەدى مينيستر باۋىرجان وسپانوۆ پەن قانات يسلامعا قاراتىپ ايتقان سوزىندە.
ءوز كەزەگىندە، ب. وسپانوۆ استاناداعى ەكسپو الاڭىندا وتەتىن جەكپە-جەككە دايىن ەكەندىكتەرىن ءمالىم ەتتى.
«ءبىز تولىق دايىنبىز. بىزگە انا جاققا كورسەتۋ ءۇشىن، سىزدەرمەن كەلىسىم-شارتقا وتىرىپ الۋىمىز كەرەك. ولار كەلىسىم-شارتقا وتىرۋعا كەلىسىم بەرۋ ءۇشىن، ءبىز مىنا جاقتان راستاۋىمىز كەرەك الدىمەن. ويتكەنى ول ۇلكەن دەڭگەيدەگى شارا عوي. ول تەندەر سياقتى بولادى. ايتپەسە، ەسكەرەتىن جۇمىستارى كوپ»، - دەدى ب. وسپانوۆ.
ونىڭ ايتۋىنشا، جوسپار بويىنشا بوكس كەشىندە ءبىرقاتار قازاق بوكسشىلارى ونەر كورسەتپەك. «ءبىراز بوكسشىلارمەن كەلىسىپ قويدىق، ماياميدا جيناپ، ءبىزدىڭ دايىنداپ جاتقان بالالارمەن سويلەستىك. شۇمەنوۆپەن تەلەفون ارقىلى كەلىسىپ قويدىق. ولار دا شىعامىز دەپ دايىندالىپ جاتىر. ءبىز ولاردىڭ قاراجات جاعىن، بارلىعىن كەلىسىپ الۋىمىز كەرەك، ارينە ەرتەڭ ولار پاتريوت رەتىندە كەلە سالۋى مۇمكىن، ماسەلە قارسىلاستارىندا عوي. ۇلكەن دەڭگەيدە جەكپە-جەك وتكىزۋ ءۇشىن، ۇلكەن بەلبەۋگە تالاسۋ ءۇشىن مىقتى قارسىلاس تارتۋىمىز كەرەك. شۇمەنوۆ، جانقوش تۇراروۆ نەمەسە جاقيانوۆ سىندى بوكسشىلاردى دايىنداپ قويۋىمىز كەرەك»، - دەدى ب. وسپانوۆ.
ايتا كەتكەن ءجون، مينيسترلىكتىڭ باسپا ءسوز قىزمەتىنىڭ حابارلاعانىنداي، بۇل كاسىپقوي بوكس كەشىنىڭ الدىن الا مەرزىمى. جۇمىس بارىسىندا بۇل داتا ءالى وزگەرۋى دە مۇمكىن.
اۆتور: جاسۇلان جولدىبايەۆ