تايلاندتىڭ ەڭ سۇلۋ قىزى اناسىنىڭ اياعىنا جىعىلدى - فوتو

استانا. قازاقپارات - حانيتتا «مينت» فاساەنگ ەسىمدى ارۋ «Miss Uncensored News Thailand 2015»  ۇلتتىق سۇلۋلار بايقاۋىندا باس جۇلدەنى جەڭىپ الىپ، «ميسس» ءتاجىن تاعادى.

ماراپاتتاۋ ءراسىمى وتە سالىسىمەن بويجەتكەن تۋعان ولكەسىنە جول تارتىپ، ءومىر بويى قوقىس تازالاۋشى بولىپ جۇمىس ىستەپ كەلگەن اناسىنىڭ اياعىنا جىعىلعان.

وسىلايشا قىز اناسىنا دەگەن شەكسىز قۇرمەتىن بىلدىرگەن. مينتتىڭ ايتۋىنشا، ول ەشقاشان اناسىنىڭ جۇمىسى ءۇشىن ۇيالعان ەمەس.

«انام دا، مەن دە نانىمىزدى ادال ەڭبەكپەن تابامىز، نە ءۇشىن ۇيالۋىم كەرەك؟»، - دەيدى قىز جۋرناليستەرگە بەرگەن سۇحباتىندا.

مينت كەدەيلىكتىڭ ازابىن ءبىر كىسىدەي تارتقان. مەكتەپ بىتىرگەن سوڭ، قاراجات تاپشىلىعىنا بايلانىستى كوللەدجدە وقي الماعان. اكەسى مەن شەشەسى اجىراسقان قىز ءبىر ءۇزىم نان تابا الماي قينالعان كۇندەرىن ەسكە الدى.

قوقىس تازالاۋشى بولىپ جۇمىس ىستەسە دە، قىزىن جەڭىمپاز ەتىپ تاربيەلەگەن انانىڭ كۇش-قۋاتىنا كۇللى الەم تاڭىرقادى.

Massaget.kz