ناۋرىزدى قالاي قارسى الۋ قاجەت؟

استانا. قازاقپارات - قادىم زاماننان باستاۋ الاتىن ناۋرىز مەيرامى جاڭارۋ، جاندانۋ مەرزىمى.

جىل باسى بولعاندىقتان دا تۇركى حالىقتارى وعان باسا ءمان بەرگەن.

سەبەبى جىل قالاي باستالسا، جىلدىڭ ءساتتى، ءساتسىز ءوتۋى سوعان بايلانىستى دەگەن سەنىم قالىپتاسقان.

شىعىستا ناۋرىز 14 نەن 22 سىنە دەيىن تويلانادى. وسى ارالىقتاعى كۇندەردىڭ وزىندىك ەرەكشەلىكتەرى بار.

14-ناۋرىزدىڭ سيمۆولى راۋشان مەن دالا قىزعالداعى.

ال 15-ناۋرىز تابيعاتتىڭ جاڭاراتىن كۇنى. بۇل كۇنى اعاش وتىرعىزعان ابزال.

16-ناۋرىز الاستاۋ كۇنى دەپ اتالادى. بۇل كۇنى ەسكى زاتتاردى تاستاپ، كىر-قوڭدى تازالايدى. ەجەلدە وتتان جەتى مارتە سەكىرەتىن سالت بولىپتى.

17-ناۋرىز بەرەكەلى كۇن. بۇل كۇنى ءار ۇيدە قازان اسىلىپ، ناۋرىز كوجە جاسالۋى ءتيىس. ءار ادام جەتى ۇيگە كىرىپ، ءدام تاتۋى قاجەت. بايبىشە بىتكەن ءدال وسى كۇننەن باستاپ ناۋرىزدىڭ داستارحانىن قامداۋعا كىرىسەدى.

18-ناۋرىز اق تىلەكتەر اقتارىلاتىن كۇن. جەتى شەلپەك ءپىسىرىپ، ساداقا تاراتىلادى.

19-ناۋرىز جاڭارۋ كۇنى. ۇيدەگى جاڭا كىلەم- تەكەمەت پەن ءبىر كيەر كيىمدى ساندىق تۇبىنەن شىعاراتىن كۇن.

20-ناۋرىز قۋانىش كۇنى. كوڭىلدى ءان- كۇي شىرقالىپ، ءماز- مەيرام مەرەكەنىڭ باستالاتىن كۇنى. ارازداسقاندار ءبىر- بىرىنەن كەشىرىم سۇراپ، تاتۋلاساتىن، سىي- سياپات جاسالاتىن كۇن.

21-ناۋرىز ەسكى جىلدى شىعارىپ، جاڭا جىلدى قارسى الاتىن كۇن. حالىق 21 نەن 22 سىنە قاراعان ءتۇنى قىدىر اتانى كۇتەدى. بويجەتكەن «ۇيقىاشار»، بوزبالا «سەلت ەتكىزەر» سىيلايتىن كۇن.

22-ناۋرىز جاڭا جىلدىڭ العاشقى كۇنى. ۇمىتكە تولى جاڭا تاڭ، جاڭا كۇن.

  

دەرەككوز: ب ا ق ماتەريالدارى