ءۇندىستاندا سيىر ەتىن تاسىمالداعاندار ءومىر بويى باس بوستاندىعىنان ايىرىلۋى مۇمكىن

استانا. قازاقپارات - ءۇندىستانداعى گۋدجارات شتاتىنىڭ باس ءمينيسترى ۆيدجاي رۋپاني ونىڭ ۇكىمەتى كەلەسى اپتادا سيىر سويعاندار مەن سيىر ەتىن تاسىمالداعانداردى ءومىر بويىنا باس بوستاندىعىنان ايىرۋدى كوزدەيتىن زاڭ جوباسىن ەنگىزەتىنىن مالىمدەدى،

 دەپ حابارلادى Life.ru.

قازىرگى ۋاقىتتا ۇندىلىكتەر ءۇشىن كيەلى سانالاتىن مالدى سويعانى ءۇشىن بار بولعانى جەتى جىلعا سوتتاۋ كوزدەلگەن.

 - زاڭنىڭ بارىنشا قاتاڭ بولعانىن قالايمىز، - دەدى ۇلتتىق ءۇندىستاندىق حالىق پارتياسىنىڭ وكىلى رۋپاني.

- زاڭ جوباسىندا سيىر سويعاندار نەمەسە سيىر ەتىن تاسىمالداۋعا بەلسەندى قاتىسقاندار ءومىر بويىنا باس بوستاندىعىنان ايىرىلاتىنىن كورسەتەمىز. ولاردىڭ كولىكتەرى دە تاركىلەنەدى.

بريتاندىق The Guardian گازەتىنىڭ جازۋىنشا، قازىرگى ۋاقىتتا 29 شتاتتىڭ تەك سەگىزىندە عانا سيىر ەتىن جەۋگە رۇقسات بار.