بەيبىت ىستىبايەۆ الماتىدا وتەتىن قازاق كۇرەسىنەن قازاقستان چەمپيوناتىنا قاتىسادى
17:02, 16 - ناۋرىز 2017
الماتى. قازاقپارات - 18-19- ناۋرىز كۇندەرى الماتىداعى «حالىق ارەنا» سپورت كەشەنىندە قازاق كۇرەسىنەن ەرەسەكتەر اراسىندا قازاقستان چەمپيوناتى وتەدى،
دەپ حابارلايدى قازاقپارات ءتىلشىسى قالالىق اكىمدىكتىڭ باسپا ءسوز قىزمەتىنە سىلتەمە جاساي وتىرىپ.
جارىسقا ەلىمىزدىڭ 14 وبلىسى جانە الماتى مەن استانا قالالارىنان 200-دەن اسا بالۋان قاتىسادى.
«قازاقستان چەمپيوناتى ق ر مادەنيەت جانە سپورت مينيسترلىگى، قازاقستان قازاق كۇرەسى فەدەراتسياسى جانە الماتى قالاسى اكىمدىگىنىڭ ۇيىمداستىرۋىمەن وتەدى. قاتىسۋشىلار ساپىندا بەلگىلى بالۋاندار دا از ەمەس. سونىڭ ىشىندە ءۇش دۇركىن «قازاقستان بارىسى» بەيبىت ىستىبايەۆ، الەم چەمپيوندارى مۇحيت تۇرسىنوۆ، ايبەك نۇعىماروۆ، ايبول ايتبەك جانە عاني سەيدىلدايەۆ، تۇڭعىش «قازاقستان بارىسى» ۇلان رىسقۇل، سونىمەن قاتار رۋسلان ءابدىرازاقوۆ، مۇرات كەنتونوۆ جانە تاعى باسقا بىلەكتى بالۋاندار بار»، - دەلىنگەن حابارلامادا.
اۆتور: الماس مۇقاش ۇلى