ەۋروپالىق سوت جۇمىسقا حيدجاب كيۋگە تىيىم سالدى
17:47, 15 - ناۋرىز 2017
استانا. قازاقپارات - ەۋروپالىق وداقتىڭ ەڭ جوعارعى سوت ينستانتسياسى - ەۋروپالىق سوت جۇمىسقا «كەز كەلگەن ساياسي، فيلوسوفيالىق نەمەسە ءدىني ۇلگىدەگى» كيىمدەردى، سونىڭ ىشىندە حيدجاب كيۋگە تىيىم سالدى.
بۇل تۋرالى «بي- بي- سي» حابارلادى.
شەشىمدە كورسەتىلگەندەي، بۇل تىيىم حالىقارالىق كومپانيالاردىڭ ەرەجەسىنە سايكەس بولۋى كەرەك. وسىنداي شەشىمنىڭ شىعۋىنا بەلگياداعى G4S كومپانياسىنىڭ قىزمەتكەرىن حيدجابسىز جۇمىس جاساۋدان باس تارتقانى ءۇشىن جۇمىستان بوساتقانى سەبەپ بولعان. بەلگيانىڭ كاسساتسيالىق سوتى ءىستى قاراۋ ءۇشىن ەۋروپالىق سوتقا بەرگەن. بۇل ە و جوعارعى سوت ينستانتسياسىنىڭ جۇمىس ۋاقىتىندا حيدجاب كيۋ ماسەلەسىنە قاتىستى شىعارعان العاشقى شەشىمى.
اۆتور: اقبوپە ءابدراسۋل