ەلوردادا ناۋرىز مەيرامى قالاي اتاپ وتىلەدى
بۇل تۋرالى قالا اكىمدىگى باسپا ءسوز قىزمەتىنىڭ جەتەكشىسى ەلۆيرا جۇرگەنبايەۆا فەيسبۋكتاعى پاراقشاسىندا حابارلادى. قازاقستاندىقتار ناۋرىزدىڭ 19 ىنان 23 ىنە دەيىن دەمالادى، سول سەبەپتى قالا تۇرعىندارىنىڭ دەمالىسىنا ەرەكشە كوڭىل بولىنگەن.
«باستى شارا 21 -ناۋرىز كۇنى «سارى ارقا» ۆەلوترەگىندە ۇيىمداستىرىلادى، 21، 22، 23 -ناۋرىز كۇندەرى «حان شاتىر» س و س و ماڭىنداعى الاڭدا ەتنواۋىل قانات جايىپ، حالىقتىق سەرۋەن وتەدى. سونداي- اق، 21-22 -ناۋرىز كۇندەرى «قازاق ەلى» مونۋمەنتىنىڭ الدىنداعى الاڭدا، قالالىق الاڭدا، «ستۋدەنتتەر» ساياباعىندا، 22 -ناۋرىزدا «جاستار» تەاترىنىڭ اۋماعىندا وتەدى. بارلىق الاڭداردا مازمۇندى كونتسەرتتىك باعدارلامالار، سپورتتىق جارىستار ۇيىمداستىرىلادى، كيىز ۇيلەر تىگىلىپ، التىباقاندار ورناتىلادى، كەلۋشىلەر ۇلتتىق تاعامداردان ءدام تاتا الادى. ناۋرىزدىڭ 18 ىنەن 22 سىنە دەيىن كۇيگەنجار، ميچۋرينو، پرومىشلەننىي، ينتەرناتسيونالنىي، جەلەزنودوروجنىي، پريگورودنىي، ۇركەر، كوكتال-1، ءوندىرىس تۇرعىن الاپتارىندا ناۋرىز مەيرامىنا وراي حالىقتىق سەرۋەن وتەدى. وندا دا كيىز ۇيلەر تىگىلىپ، جارمەڭكەلەر، كونسەرتتەر ۇيىمداستىرىلادى.