ايگۇل يمانبايەۆا «سابيتپەن قايتا قوسىلدى» دەگەندەرگە جاۋاپ بەردى
ءبىرى جۇلدىزدى جۇپتىڭ اراسىنان الا مىسىق ءوتتى دەپ توپشىلاسا، ەندى ءبىرى ءابدىحالىقوۆتى يمانبايەۆاعا قايتا ورالدى دەپ تۇجىرىم جاسايتىن كورىنەدى.
يمانبايەۆا كوپتىڭ كوڭىلىن كۇپتى ەتكەن ساۋالعا ن ت ك ارناسىنىڭ «رەۆيۋ» باعدارلاماسىندا جاۋاپ بەردى.
جەكە ومىرىنە قاتىستى سانسىز ساۋالداردىڭ سوڭعى كەزدەرى الەۋمەتتىك جەلىدە ءجيى قويىلاتىنىن يمانبايەۆا دا جاسىرمايدى. بۇل جولى اكتريسا تىڭدارماندى مازالاعان سۇراقتارعا جاۋاپ بەرۋگە تاس- ءتۇيىن دايىن. سونىمەن، ءسابيت پەن ايگۇلدىڭ قايتا تابىسقانى قانشالىقتى راس؟!
«قويىلىپ جاتادى، مەن ونىڭ ءبىرىن وقىپ، ءبىرىن وقىمايمىن. ءبىراق، ميىم جەتپەيدى. جەكە ومىرىندە ونىڭ، ونىڭ مەنىڭ جەكە ومىرىمدە نە شاتاعى بار. ءبىز ارىپتەسپىز، بالامنىڭ اكەسى، قۇرمەتتەيمىن، سىيلايمىن»، - دەيدى يمانبايەۆا.
سوندىقتان، ايگۇل ەل اۋزىندا جۇرگەن قاۋەسەتكە سەنە بەرمەۋدى سۇرايدى. ءبىراق، بۇگىندە سابيتپەن ءبىر شاڭىراق استىندا عۇمىر كەشپەسە دە، اكە مەن بالانىڭ قارىم-قاتىناسىنا ەشقاشان شەكتەۋ قويعان ەمەس. ءتىپتى، اسىلجانعا قاتىستى ماسەلەلەردى قوس تاراپ ءالى كۇنگە دەيىن بىرىگىپ شەشەتىنىن كورىنەدى.
«اماندىعىمىز ءتۇزۋ. بالامىزدىڭ ماسەلەسىنە قاتىستى مىندەتتى تۇردە ەكەۋىمىز... ەندى بالا ستۋدەنت سىرتتا وقيدى. سول سەبەپتەن ءتارتىبى بولسىن، ونىڭ ءجۇرىس- تۇرىسى، ورتاسى بولسىن ارالاساتىن، مىندەتتى تۇردە ەكەۋىمىز ارالاسامىز. ول جاعىنان اقىلداسىپ تۇرامىز. قالاي بولىپ جاتىر، سەن باراسىڭ با بالاعا، مەن بارامىن با؟! ويتكەنى، بالا تۇر ورتادا»، - دەپ تۇيىندەدى ءسوزىن اكتريسا.