تانىمال زىلتەمىرشى مايا مانەزا بيزنەسكە بەت بۇردى
زىلتەمىرشى بۇل جونىندە ينستاگرامداعى ءوزىنىڭ پاراقشاسىندا جازدى، دەپ حابارلايدى قازاقپارات ءتىلشىسى. بيزنەسكە بەت بۇرعان مايانى قۇتتىقتاپ، كاسىبىنە ساتتىلىك تىلەپ جاتقاندار كوپ. بارلىعى وتباسىنىڭ مۇنداي قادامىنا شىنايى ىقىلاستارىن، ريزاشىلىقتارىن بىلدىرۋدە.
سپورتشى قىز جاڭا ورتالىقتا ءتۇرلى قىزمەت كورسەتىلەتىنىن جازعان.
«ءبىزدىڭ ورتالىق ءوز جۇمىسىن باستايدى. قىتاي ەلىنەن تاجىريبە جيناقتاعان دارىگەرلەر شاقىرىلدى. ءىش قۇرىلىسى، تىرەك-قيمىل اپپاراتى، بەدەۋلىك سياقتى سىرقات تۇرلەرىن ەمدەيمىز»، - دەپ جازدى اۋىر اتلەتشى.
سونداي-اق ول ءوز ءومىرىنىڭ جاڭا كەزەڭى باستالعاندىعىن جانە ءار كەلۋشىنى اسىعا كۇتەتىندىگىن ايتقان. ايتا كەتۋ كەرەك، مايا مانەزا سپورتتىق جاتتىعۋلارىن جالعاستىرۋدا. حالىقارالىق وليمپيادا كوميتەتى مانەزانىڭ بۇعان دەيىنگى ناتيجەلەرىن جويعانىمەن، ول سپورتپەن قوشتاسقان جوق. 2020 -جىلى وتەتىن توكيو وليمپياداسىندا باق سىناۋى ابدەن مۇمكىن. 2013 -جىلى زىلتەمىرشى ۆياچەسلاۆ ەرشوۆقا تۇرمىسقا شىققان مانەزا بۇگىندە ءبىر ۇل تاربيەلەپ وتىر.
اۆتور: سامال قابىشەۆا