قازاقستان ۇلتتىق ارناسىنان «شەرلوك» سەريالى اعىلشىن تىلىندە كورسەتىلەدى
دەپ حابارلايدى اتالعان تەلەارنانىڭ باسپا ءسوز قىزمەتى.
تاڭعى «تاڭشولپان» باعدارلاماسى بۇگىن جاڭا فورماتتا جاڭا جۇرگىزۋشىلەرمەن ەفيرگە شىقتى. ەندى تاڭعى ەفير بۇرىنعىدان دا كوڭىلدى ءارى تانىمدى بولماق. تاڭعى باعدارلامانىڭ جاڭا جۇرگىزۋشىلەرى - دانيار ەسەن، بايان باقكەلدى، يرينا تەن جانە داۋلەت بيجانوۆ.
بۇگىننەن باستاپ «قازاقستان» ۇلتتىق تەلەارناسىنداعى جاڭالىقتار جاڭا فورماتتا ءارى «باستى اقپارات» دەگەن جاڭا اتاۋمەن ەفيرگە شىعادى. جاڭالىقتار لەگى وزگەرىپ، ەلىمىزدە جانە الەمدە بولىپ جاتقان وزەكتى جاڭالىقتاردى وبەكتيۆتى تۇردە بەرۋگە اكسەنت قوسادى. ەلىمىزدىڭ باستى جاڭالىقتارىن تانىمال جۋرناليستەر قىمبات دوسجان مەن دانيار مەڭلىبەكوۆ جۇرگىزەتىن بولادى.
اقپاراتتىق- ساراپتامالىق بلوك «باستى تاقىرىپ» اتتى كۇندەلىكتى جوبامەن تولىعادى. جوبا اۆتورلارى حابار بارىسىندا كۇننىڭ نەگىزگى جاڭالىقتارىن ەگجەي- تەگجەيلى قاراستىرادى. باعدارلامانى مەيىرجان الىبەك جۇرگىزەدى. ال، الەۋمەتتىك- ساراپتامالىق «ماسەلە» باعدارلاماسىنىڭ جۋرناليستەرى ءوز زەرتتەۋلەرىن جۇرگىزىپ، ستۋديا قوناقتارىمەن بىرگە ەلىمىزدەگى جانە شەت مەملەكەتتەردە بولىپ جاتقان ءىرى وقيعالارعا ساراپتاما جاسايدى. باعدارلاما تىزگىنشىسى نارتاي ارالباي ۇلى وزەكتى ماسەلەلەردى قاراستىرىپ، قوعامدا ورىن الىپ وتىرعان الەۋمەتتىك- ەكونوميكالىق پروبلەمالاردى شەشۋ جولدارىن ىزدەيدى.
25 - ناۋرىزدان باستاپ سەنبىنىڭ كەشىندە جاڭا مۋزىكالىق «ءان سالادى ماماندار» جوباسى ەفيرگە شىعادى. اتالمىش جوبانىڭ ەرەكشەلىگى، جوباعا قاتىسۋشىلاردىڭ مۋزىكاعا ەش قاتىسى جوق، ولار ءار سالانىڭ ماماندارى. الايدا، قاتىسۋشىلاردىڭ بارلىعى ءان سالعاندى ۇناتادى، ءارى مۋزىكاعا بەيىم. جوبا بارىسىندا قاتىسۋشىلار ءان سالۋدان سايىسقا ءتۇسىپ، ءوز ماماندىقتارىنىڭ ەرەكشەلىگىمەن دە ءبولىسىپ وتىرادى. 20 - ناۋرىزدان باستاپ، بالالاردىڭ دەمالىسى كەزىندە تەلەارنانىڭ كىشكەنتاي كورەرمەندەرىنە ارنالعان «ديسنەي» كومپانياسىنىڭ ۇزدىك انيماتسيالىق فيلمدەرى قازاق تىلىندە سويلەيدى.
ايتا كەتۋ كەرەك، بارلىق مۋلتفيلمدەر «قازاقستان» تەلەارناسىنىڭ كومەگىمەن سوڭعى تەحنولوگيالاردى قولدانا وتىرىپ دىبىستالعان. العاش رەت حالىقتىڭ سۇيىكتىسىنە اينالعان مۋلتفيلم كەيىپكەرلەرى ءتۇرلى داۋىستا قازاقشا سويلەمەك. سەبەبى، دىبىستاۋعا 10-عا تارتا دۋبلياج اكتەرلەرى تارتىلعان. مۋلتفيلمدەردەگى مۋزىكالىق بەزەندىرۋ وركەسترمەن سۇيەمەلدەنگەن، ال، اندەردى دۋبلياج اكتەرلەرى ورىندايدى. سەنبى كۇندەرى تەلەارنا ەفيرىندە جەكەمەنشىك كينوستۋديالار تۇسىرگەن وتاندىق زاماناۋي كوركەم فيلمدەر لەگى كورسەتىلەتىن بولادى.
بۇگىنگى تاڭدا وتاندىق كينو ءوندىرىس قارقىندى دامىپ كەلەدى. جىل وتكەن سايىن پروكاتقا شىققان قازاقستاندىق فيلمدەر سانى ارتۋدا. بۇل فيلمدەر كورەرمەن اراسىندا كەڭ تانىمالدىلىققا يە بولۋدا. وعان حالىققا تولى كينوتەاترلار دالەل. مۇنداي كورسەتىلىم وتاندىق كينوتۋىندىلاردى قولداۋ، ءوزىمىزدىڭ زاماناۋي فيلمدەرىمىزدى كورۋگە جول اشادى.
«قازاقستان» تەلەارناسى بىرنەشە جىل كولەمىندە ءتول تەلەحيكايالارىن تۇسىرۋمەن اينالىسىپ كەلەدى. 27 - ناۋرىزدا «كوزايىم» تەلەحيكاياسى ەفيرگە جول تارتادى. حيكايانىڭ ماقساتى - ەكى وتباسى اراسىندا ءوربيتىن وقيعالار نەگىزىندە وسكەلەڭ ۇرپاقتىڭ تاربيەسىنە قاتىستى ماڭىزدى سۇراقتاردى قوزعاي وتىرىپ، ەلدىڭ ەكونوميكالىق ءوسىمىن، مادەني، الەۋمەتتىك جەتىستىكتەرىن ناسيحاتتاۋ. 2017 -جىلى پرايم- تايم ۋاقىتتا وتاندىق تەلەحيكايالارعا ارنالعان جەكە ۋاقىت بولىنبەك. ءار سەنبى سايىن تەلەارنا ەفيرىندە الەمنىڭ ۇزدىك وندىرۋشىلەرىنىڭ قولىنان شىققان كوركەم فيلمدەر كورسەتىلەدى. سەنبىلىك كەشتى كومەديا، فەنتەزي، بلوكباستەر، مەلودراما سىندى جانرلارداعى وتباسىلىق فيلمدەر قۇرايدى.
تۇنگى ەفيردى تانىمال رەجيسسەرلەردىڭ كارتينالارى، كلاسسيكا جانە زاماناۋي بەستسەللەرلەر، الەمدىك كينەماتوگرافتىڭ شەديەۆرلەرى تولتىرادى. 18 - ناۋرىزدان باستاپ سوڭعى جىلدارداعى ەڭ ۇزدىك بريتاندىق سەريال بەنەديكت كامبەربەتچ باستى ءرولدى سومداعان «شەرلوك» تۋىندىسى ەفيرگە شىعادى. بۇل تۋىندى قازاق تىلىندەگى سۋبتيترلەرمەن اعىلشىن تىلىندە كورسەتىلەتىن بولادى. ءتۇپنۇسقا نەگىزىندە كورسەتۋ - كورەرمەندەرگە سۇيىكتى اكتەرلەرىنىڭ شىنايى داۋىسىن ەستۋگە، سونداي- اق، فيلمنىڭ اتموسفەراسىنا تۇبەگەيلى ەنىپ، اعىلشىن ءتىلىن ۇيدەن شىقپاي- اق ۇيرەنۋگە مۇمكىندىك بەرەدى.
22 - ناۋرىزدان باستاپ «تەڭ مۇمكىندىكتەر ۋاقىتى» اتتى دەرەكتى تەلەجۋرنال ەفيرگە شىعادى. باعدارلاما قازاقستاندىق بيزنەستىڭ ۇزدىك جوبالارى مەن success story تۋراسىندا اڭگىمە وربىتەدى. سونىمەن قاتار، جاڭا سايت بويىنشا جۇمىستار جۇرگىزىلۋدە. سايت جاڭا ديزاينمەن ەرەكشەلەنىپ، پايدالانۋشىلارعا بارىنشا تۇسىنىكتى، ءارى جارقىن تۇستەرگە تولى بولماق.