ول وڭىرلىك ۇكىمەتتەن كەتىپ، ءبىر كۇننەن سوڭ جاڭا مىندەتتەرىنە كىرىسىپ كەتتى، دەپ حابارلايدى sibkray.ru.
تيتوۆ كانديداتۋراسىن «سيبموست» ديرەكتورلار كەڭەسى ماقۇلدادى (كومپانيانىڭ الدىڭعى پرەزيدەنتى جانە نەگىزىن قالاۋشى البەرت كوشكين)، بۇرىنعى شەنەۋنىك 10- ناۋرىز كۇنى ءوز مىندەتتەرىنە كىرىستى.
«كومپانيانىڭ جاڭا پرەزيدەنتى الدىندا «سيبموست» ا ق كەشەندى دامۋى مەن اعىمداعى شارتتاردىڭ ورىندالۋى ءۇشىن ءىرى رەسەيلىك كوپىر قۇرىلىسى كاسىپورنىنىڭ كادرلىق جانە وندىرىستىك الەۋەتىن بارىنشا جانداندىرۋ مىندەتتەرى تۇر»، - دەلىنگەن كومپانيانىڭ مالىمدەمەسىندە.
رەسەيدىڭ سالىق قىزمەتى سايتىنداعى زاڭدى تۇلعالاردىڭ ءبىرىڭعاي مەملەكەتتىك تىزىلىمىنەن «سيبموست» ا ق ءۇزىندى كوشىرمەسىندە اليم پريمكۋلوۆ «سيبموستتىڭ» پرەزيدەنتى رەتىندە كورسەتىلگەن.
ول «سيبموستتىڭ» بولشەك ساتىلىمى بويىنشا كەلىسىم-شارت قاتىسۋشىسى «ۆولگوموست» ا ق باس ديرەكتورى.
وزگە ساتىپ الۋشىلار رەتىندە «سبەربانك» («سيبموستتىڭ» باستى كرەديتورى) جانە «سيستەما» اكتسيونەرلىك-قارجىلىق كورپوراتسياسى اتالۋدا.
ءىرى نوۆوسىبىرلىك سالىق تولەۋشىنى ساتۋ تۋرالى كەلىسسوزدەر ءالى دە جالعاسۋدا. سەرگەي تيتوۆ 1961-جىلى پەتروپاۆل (قازاقستان) قالاسىندا تۋعان. ءسىبىر اۆتوكولىك-جول ينستيتۋتىن بىتىرگەن.
2004-2010-جىلدارى «ءسىبىر» اۆتوكولىك جولدارى مەملەكەتتىك مەكەمەسىنىڭ باسقارما باسشىسىنىڭ ورىنباسارى جانە ءبىرىنشى ورىنباسارى بولىپ ەڭبەك ەتكەن. 2010-2012-جىلدارى «رەسەي اۆتوكولىك جولدارى» مەملەكەتتىك كومپانياسىنىڭ ۆورونەج فيليالىنىڭ ديرەكتورى بولىپ تاعايىندالدى.
نوۆو ءسىبىر وبلىسىنىڭ كولىك جانە جول شارۋاشىلىعى ءمينيسترى بولىپ تاعايىندالعانشا، ماسكەۋ وبلىسى جول شارۋاشىلىعى باس باسقارماسى باسشىسىنىڭ ءبىرىنشى ورىنباسارى بولدى.