كونسەرتكە كەلگەن ەكى ادام اجال قۇشتى
09:09, 13 - ناۋرىز 2017
استانا. قازاقپارات - ارگەنتينانىڭ ولاۆارريا قالاسىندا اشىق اسپان استىنداعى ۇلكەن روك-كونسەرت كەزىندە كورەرمەندەردىڭ كوپتىگىنەن ەكى ادام كوپشىلىكتىڭ اياق استىندا قالىپ كوز جۇمىپ، 10 نان استام ادام جارالاندى.
كونسەرت سەنبىدەن جەكسەنبىگە قاراعان ءتۇنى ءوتتى. سوڭعى اندەردىڭ بىرىندە كورەرمەندەر ساحناعا قاراي ەنتەلەگەن. سالدارىنان ادام ءولىمى ورىن الدى. روك-كونسەرت ۇيىمداستىرۋشىلارىنىڭ ايتۋىنشا، كونسەرتكە 250 مىڭنان استام ادام كەلگەن.
جەرگىلىكتى بيلىك وكىلدەرىنىڭ مالىمدەۋىنشە، كورەرمەندەر سانىنىڭ كوپتىگىنەن كونسەرتتەگى جاعداي باقىلاۋدان شىعىپ كەتكەن.
كونسەرتتەن كەيىن دە كەلۋشىلەردىڭ كوپشىلىگى تاڭعا دەيىن الاڭدا قالۋعا ءماجبۇر بولدى، سەبەبى جەرگىلىكتى اۆتوبۋستار حالىقتى تاسىپ ۇلگەرمەدى.
ولاۆارريادا 100 مىڭعا جۋىق تۇرعىن بار، بۇل كونسەرتكە كەلۋشىلەردىڭ سانىنان ەكى ەسەدەن استام از.