امەريكالىق باسىلىم اقتاۋدى تۋريستەر ءۇشىن ەڭ قىزىقتى قالالاردىڭ تىزىمىنە ەنگىزدى
«The Huffington Post» باسىلىمى قازاقستانداعى اقتاۋ، الماتى جانە استانا قالالارى تۋريستەر ءۇشىن ەڭ قىزىقتى قالالار بولىپ تابىلاتىندىعىن جازعان.
باسىلىمدا كورسەتىلگەن مالىمەتتەرگە قاراعاندا، تۋريستەر بۇل قالالاردى ادەتتە وزدەرىنىڭ نازارلارىنا كوپ الا بەرمەيدى.
ماتەريالدا جاريالانعان مالىمەتتەرگە قاراعاندا، اقتاۋ كاسپي تەڭىزىنىڭ جاعالاۋىندا ورنالاسقان مۇناي ونەركاسىبى ورتالىعى بولۋىمەن تارتىمدى. سونىمەن قاتار اتالمىش قالا جەرگىلىكتى تۇرعىندار ءۇشىن سۋعا ءتۇسىپ، شومىلۋعا ەڭ ىڭعايلى ايماقتاردىڭ ءبىرى.
بۇعان قوسا حابارلامادا الماتىنىڭ تۋريستەر ءۇشىن كيىم-كەشەك بازارلارىمەن، ساۋدا ورتالىقتارىمەن، ادەمى مەيرامحانالارىمەن جانە ارحيتەكتۋرالىق نىساندارىنىڭ كوپتىگىمەن تارتىمدى ەكەندىگى ايتىلعان.
استانا بولسا، تۋريستەردى ءوزىنىڭ ەرەكشە اسەم ارحيتەكتۋرالىق كوركىمەن ەرىكسىز تارتا تۇسەدى.
ايتا كەتەيىك، اقتاۋ وسىعان دەيىن داعىستاندىق كاسىپكەرلەر دايىنداعان ماحاچكالا - دەربەنت - باكۋ - ەنزەلي - تۇركمەنباسى - اقتاۋ - استراحان - ماحاچكالا باعىتى بويىنشا وتەتىن «كاسپي - دوستىق تەڭىزى» اتتى 9 كۇندىك ساياحاتتىڭ جوباسىنا ەنگىزىلگەن بولاتىن.
اۋدارما: ايدار وسپاناليەۆ