ستاليندى جەرلەۋ ءراسىمىنىڭ ۆيدەوسى تابىلدى - ۆيدەو
13:20, 12 - تامىز 2021
نۇر-سۇلتان. قازاقپارات - گرۋزين ۇلتىنان شىققان ايگىلى ورىس رەۆوليۋتسيونەرى، سوۆەتتىك مەملەكەت جانە قوعام قايراتكەرى، كەڭەس وداعى كوممۋنيستىك پارتياسىنىڭ باس حاتشىسى يوسيف ستاليندى سوڭعى ساپارعا شىعارىپ سالۋ جيىنىنىڭ ۆيدەوسى جاريا ەتىلدى، - دەپ حابارلايدى «ۇلت اقپارات» «ناستوياشەە ۆرەميا» پورتالىنا سىلتەمە جاساپ.
بۇل تاريحي وقيعانى امەريكان مايورى مارتين مانحوفف ءتۇسىرىپ العان. ول - 1950-52 -جىلدار ارالىعىندا ا ق ش- تىڭ سوۆەت وداعىنداعى باس كونسۋلدىعىندا اسكەري-اتتاشە كومەكشىسى بولىپ قىزمەت اتقارعان. دارىندى فوتوگراف ماسكەۋ مەن ونىڭ سىرتىنداعى قالالار تۇرمىسىن بەينەلەيتىن سۋرەتتەر گالەرەياسىن جيناقتاعان.
سول كەزەڭدە ول بىرنەشە جىل تاسپادا ساقتالعان ايگىلى جيىندى دا ءتۇسىرىپ ۇلگەرگەن. تىڭشىلىق ءىسى بويىنشا ايىپتالىپ، ەلدەن قۋىلعان جىگىت كەي قۇندى دۇنيەلەردى وزىمەن بىرگە الا كەتكەن. سونىڭ ىشىندە بەينەجازبا دا بار. ال، ونى سيەتتلدان شىققان تاريحشى دۋگلاس سميت تاۋىپ الىپ، الەم جۇرتشىلىعىنىڭ نازارىنا ۇسىنعان.