قازاقستاندىق اتاقتى اۋىر اتلەتشى زىلتەمىردى قايتا كوتەرىپ جۇرگەن قۋانىشىمەن ءبولىستى - كەسكىن
«بۇگىن دوستارىممەن بىرگە تاماشا جاتتىعۋ- سەمينار ءوتتى. 6 ساعاتتىق جۇمىس جانە قىزىقتى وتكەن ۋاقىت! بارلىعى وزدەرىنىڭ ەڭ جاقسى ناتيجەلەرىن كورسەتتى! زىلتەمىردى قايتا كوتەرىپ جۇرگەنىمە وتە قۋانىشتىمىن! دوستار، جەمىستى ەڭبەگىمىز ءۇشىن راحمەت!»، - دەپ جازدى يليا يلين ينستاگرامداعى ءوزىنىڭ پاراقشاسىنا.
حالىقارالىق وليمپيادا كوميتەتىنىڭ شەشىمىمەن 2008 جانە 2012 -جىلدارعى وليمپيادالىق مەدالدارىنان ايىرىلعان وتاندىق سپورتشىعا جانكۇيەرلەرى قىزۋ قولداۋ ءبىلدىرىپ، تىلەك- نيەتتەرىن جەتكىزۋدە. ولار يليننىڭ ۇلكەن سپورتقا قايتا ورالىپ، توكيوداعى ويىندارعا قاتىساتىنىنا ءۇمىت بىلدىرۋدە.
بۇعان دەيىن حابارلانعانداي، حالىقارالىق وليمپيادا كوميتەتىنىڭ تارتىپتىك كوميسسياسى 2008 -جىلى بەيجىڭدە جانە 2012 -جىلى لوندوندا وتكەن وليمپيادا ويىندارىنىڭ جەڭىمپازى، 94 ك گ سالماق دارەجەسىندە ونەر كورسەتەتىن قازاقستاندىق اۋىر اتلەت يليا يليننىڭ «ا» جانە «ۆ» دوپينگ سىنامالارىن قوسىمشا تەكسەرۋ قورىتىندىسى بويىنشا وتاندىق سپورتشىنى سول ويىنداردان شەتتەتىپ، كورسەتكەن ناتيجەلەرىنىڭ كۇشىن جويىپ، جۇلدەلەرىن قايتارىپ الۋ تۋرالى شەشىم شىعاردى. بۇدان كەيىن يليا يلين سپورتتىق مانسابىن اياقتايتىنىن ءمالىم ەتتى.
اۆتور: ميرا تولەندى قىزى
Рывок 155 "каждый день маленькая победа приводит к заветной цели" #155 #lovesport #weightlifing #ilyailyin4ever #155
Публикация от Илья Ильин (@ilyailyin_official) Мар 11 2017 в 11:35 PST