12 جانە 13 - ناۋرىزدا قازگيدرومەت استانا تۇرعىندارى مەن قوناقتارىن اشىق ەسىك كۇنىنە شاقىردى. سينوپتيكتەر وسىلايشا ۇلتتىق گيدرومەتەورولوگيالىق قىزمەتتىڭ زاماناۋي قوعامداعى ءرولىن تۇسىندىرمەك.
قازگيدرومەت قىزمەتكەرلەرى ەكسكۋرسيا جۇرگىزەدى، وندا اۋا- رايى بولجامى قالاي جاسالاتىنىن، قازاقستان كليماتىنىڭ قالاي وزگەرىپ جاتقانىن، سۋ تاسقىنىنان نە كۇتۋگە بولاتىنىن، باسقا دا كوپ اقپارات ايتىلادى. قوناقتار وزدەرىن قىزىقتىرعان سۇراقتاردى قويا الادى، ال ەڭ بەلسەندى قاتىسۋشىلارعا اۋا رايى بولجامى سىيلىققا بەرىلەدى. سونداي- اق كەلۋشىلەرگە قازگيدرومەت ماماندارى پايدالاناتىن زاماناۋي قۇرال- جابدىقتار تانىستىرىلادى.
فويەدە 20- عاسىردىڭ مۇراجاي ەكسپوناتتارى - قۇرال- جابدىقتار مەن اسپاپتار، مۇراعاتتىق قۇجاتتار مەن سۋرەتتەر ۇسىنىلادى. قازگيدرومەت كەڭسەسى ماڭگىلىك ەلى كوشەسى 11/1 مەكەنجايىندا (بۇرىنعى ورىنبور كوشەسى) ورنالاسقان. جەكسەنبى، 12- ناۋرىزدا ەكسكۋرسيا ساعات 11:00-دەن 17:00-گە دەيىن، ءۇزىلىسسىز، ءار ساعات سايىن وتەدى، سوڭعى ەكسكۋرسيا ساعات 16:00-دە باستالادى. دۇيسەنبى، 13 - ناۋرىزداعى ەكسكۋرسيا ساعات 11:00-دەن 17:00-گە دەيىن ءار ساعات سايىن، 13:00-دەن باستاپ ءبىر ساعات تۇسكى اسقا ءۇزىلىس، سوڭعى ەكسكۋرسيا 16:00-دە باستالادى.