ەلوردادا تۇرعىنداردىڭ كولىكتەرىن تارتىپ الىپ جۇرگەن قىلمىستىق توپ قولعا ءتۇستى
بيىلعى جىلدىڭ 4- ناۋرىزىندا پۋشكين كوشەسىنىڭ بويىندا بەلگىسىز ادامداردىڭ كۇش قولدانا وتىرىپ، ءوزىنىڭ «Toyota Corolla» كولىگىن الىپ كەتكەندىگى جونىندە ج. اتتى ازامات شاعىمدانعان بولاتىن.
پوليتسيا قىزمەتكەرلەرى تاراپىنان قولعا الىنعان شۇعىل ارەكەت ەتۋ شارالارىنىڭ ناتيجەسىندە جانە جەدەل- الدىن الۋ ءىس- شاراسى كەزىندە ءتارتىپ ساقشىلارى وڭتۇستىك قازاقستان جانە شىعىس قازاقستان وبلىستارىنىڭ 30 جاستاعى 3 تۇرعىنىن كۇدىكتى رەتىندە ۇستادى جانە ولاردى قولعا تۇسىرگەن جەردەن «Toyota Corolla» ماركالى اۆتوكولىگى تاۋىپ، تاركىلەگەندى. سونىمەن قاتار، اتالعان توپتىڭ اعىمداعى جىلدىڭ اقپان ايىنىڭ سوڭىندا ورىن العان وسىعان ۇقساس قىلمىستى جاساعانى انىقتالعان.
ىشكى ىستەر دەپارتامەنتىنە استانا قالاسىنىڭ تۇرعىنى بەلگىسىز تۇلعالاردىڭ الپامىس باتىر كوشەسىنىڭ بويىنداعى ءۇيدىڭ جانىندا كۇش قولدانۋ ارقىلى «Toyota Camry» ماركالى اۆتوكولىگىن الىپ كەتكەندىگىنە شاعىمدانعان.