قاراعاندىدا كوممۋنالدىق قىزمەت وكىلدەرى ەكولوگيا تالاپتارىن بۇزعان
بۇل جايىندا تابيعاتتى قورعاۋ پروكۋرورلارى مالىمدەدى، دەپ حابارلايدى 24.kz.
جىل باسىنان بەرى كوممۋنالدىق سالا قىزمەتكەرلەرى كەنشىلەر شاھارىنىڭ وڭتۇستىك شىعىس اۋدانىنان شىققان 40 مىڭ تەكشە مەتر قاردى قالا ىرگەسىنە زاڭسىز توگىپ كەلگەن»، - دەيدى قاداعالاۋشى ورگان وكىلدەرى.
وسىنىڭ سالدارىنان كۇن كۇرت جىلىعاندا فەدوروۆ سۋ قويماسى لاستانۋى مۇمكىن. سونىمەن قاتار قالا ىرگەسىندەگى ساياجايلاردى جانە وعان اپاراتىن جولدى سۋ شايىپ كەتۋ قاۋپى بار. «وسىعان بايلانىستى تابيعاتتى قورعاۋ پروكۋراتۋراسىمەن قالا اكىمىنە جانە ىشكى ىستەر باسقارماسى باسشىسىنىڭ اتىنا زاڭبۇزۋشىلىقتى جويۋ تۋرالى ۇسىنىس ەنگىزىلدى. كوممۋنالدىق قىزمەتكەرلەردىڭ باسشىلارى اكىمشىلىك جاۋاپكەرشىلىككە تارتىلدى»، - دەدى وبلىستىق مامانداندىرىلعان تابيعاتتى قورعاۋ پروكۋراتۋراسىنىڭ پروكۋرورى رەنات ەرمەكوۆ.