دانيار ەلەۋسىنوۆ قازاقستاندىقتارمەن قوشتاستى - فوتو
استانادا وتكەن شاراعا دانياردىڭ كوپتەگەن جانكۇيەرلەرى كەلدى. ولار كاسىبي بوكسقا اۋىسىپ جاتقان بوكسشىعا ساتتىلىك تىلەپ، قولتاڭباسىن جازدىرتىپ الدى. «مەنىڭشە كاسىبي بوكستا دانيار ۇلكەن جەتىستىكتەرگە جەتەدى. سەبەبى ول - دارىندى سپورتشى. ەڭ باستىسى، ول قازاقستاننىڭ تۋىن جەلبىرەتىپ، ەل نامىسىن قورعايدى. ءبىز بولساق، وعان ءارقاشان جانكۇيەر بولىپ، قولداۋ بىلدىرەتىن بولامىز. سپورتشى ءۇشىن جانكۇيەردىڭ قولداۋى، ءوز وتانىندا ونىڭ جەڭىسىن اسىعا كۇتىپ جاتقان حالىقتىڭ بولعانى ماڭىزدى عوي»، - دەيدى اسەل ەسىمدى جانكۇيەر.
ايتا كەتەيىك، بۇعان دەيىن جۋرناليستەرگە سۇحبات بەرگەن دانيار ەلەۋسىنوۆ ا ق ش- قا كەتەتىن ۋاقىتى ءالى دە بەلگىسىز ەكەنىن جەتكىزگەن. سونداي-اق وزىنە قاتىستى «امەريكاعا كوشىپ بارادى» دەگەن اقپاراتتى جوققا شىعاردى. «مەنى امەريكاعا كوشىپ بارادى دەپ ايتىلىپ جاتىر. نەگىزى، ول دۇرىس اقپارات ەمەس. ا ق ش- قا كوشىپ بارعالى جاتقانىم جوق. امەريكاعا بارعان كۇننىڭ وزىندە، تەك دايىندىققا عانا بارىپ وتىرامىن. ال جەكپە- جەكتەردەن كەيىن ەلىمە ورالامىن. سەبەبى باسەكەلەردىڭ كوبى قىتايدا - بەيجىڭ، شاڭحاي مەن گونكونگتە وتەتىن بولادى. امەريكادا كاسىبي بوكس جاقسى دامىعاننان كەيىن سول جەردە دايىندالعاندى ءجون كوردىك. قاسىمدا بولسىن، بالام كوز الدىمدا ءجۇرسىن دەپ، دايىندىق كەزىندە وتباسىمدى الىپ كەتەتىنىمدى ايتقان بولاتىنمىن. ءبىراق تۇبەگەيلى كوشىپ بارا جاتقان جوقپىن»، - دەدى ول.
اۆتور: ارمان اسقاروۆ