اركتيكانىڭ ءتۇسى جاسىلدان قوڭىرعا وزگەرىپ كەتتى
ونىڭ سەبەبى - جاز مەزگىلىندەگى اۋا تەمپەراتۋراسىنىڭ جوعارى بولۋىمەن بايلانىستى، دەپ حابارلايدى nrk.no.
ءبىراق، 33 جىل بويى جەر سەرىگى ارقىلى تۇسىرىلگەن سۋرەتتەرگە تالداۋ جۇرگىزىلىپ، نورۆەگيا، رەسەي، گرەنلانديا مەن كانادانىڭ اركتيكالىق ايماقتارىندا بۇل قۇبىلىس ايتارلىقتاي وزگەرگەنى انىقتالدى.
forskning.no سايتىندا جاريالانعان زەرتتەۋدىڭ ناتيجەسى بويىنشا، ونىڭ سوڭعى بەس جىلدا قارقىن العانى بەلگىلى بولدى. «سوڭعى بەس جىلدا اركتيكاداعى وسىمدىكتەردىڭ ءتۇسى قوڭىرقايلانعان. بۇل دەگەنىمىز - وتكەن جىلمەن سالىستىرعاندا، جاپىراقتارىنىڭ ازايعانىن بىلدىرەدى»، - دەيدى نورۆەگيالىق تابيعي زەرتتەۋلەر ينستيتۋتىنىڭ (NINA) «فرام» ءبولىمىنىڭ جەتەكشى عىلىمي قىزمەتكەرى يارلە بەركە (Jarle Bjerke).
اركتيكاداعى تەمپەراتۋرا جىل بويى نولدەن تومەن، الايدا كليماتتىڭ وزگەرۋى سالدارىنان قىسى جۇمسارا باستاعان. سونىمەن قاتار، سولتۇستىك ايماقتاردا قار قالىڭ تۇسكەن. بۇنداي وزگەرىستەر گرەنلانديا، رەسەي، كانادانىڭ جوعارى اركتيكالىق اۋداندارىندا، سونداي-اق شىعىس فيننماركتىڭ (Øst-Finnmark) كەيبىر اۋداندارىندا ورىن الدى.
ءبىراق، عالىمنىڭ ايتۋىنشا، وسىنداي وزگەرىستەرگە نورۆەگيانىڭ سولتۇستىگىندەگى باسقا دا اۋداندار ۇشىراعان.