بايان ماقسات قىزى «قازاق ارۋى» كونكۋرسىنا قاتىسۋشىلاردىڭ سۋرەتتەرىن جاريالادى

استانا. قازاقپارات - تانىمال پروديۋسەر بايان ماقسات قىزى يستاگرامعا «قازاق ارۋى» كونكۋرسىنا قاتىسۋشىلاردىڭ فوتولارىن جاريالادى، دەپ حابارلايدى «قازاقپارات» ح ا ا ءتىلشىسى.

  بۇرىن حابارلانعانداي، بايان ماقسات قىزى «قازاق ارۋى2017» بايقاۋىنا كاستينگ جاريالاعان ەدى. ونىڭ سوزىنە قاراعاندا، تالاپتار مىناداي: ۇمىتكەرلەردىڭ بويى 170 سانتيمەتردەن بيىك بولۋى كەرەك، ال سالماعى 53 كەلىدەن اسپاۋى شارت. جاس ارالىعى - 16-22. سۇلۋلىق، اقىلدىلىق پەن دارىندىلىق كونكۋرسى وسىمەن جەتىنشى رەت وتكەلى وتىر. اتالمىش سايىس ءۇش رەت استانادا ءوتتى.

 ەسكە سالا كەتسەك، «قازاق ارۋى-2016» 16 - ناۋرىزدا ءوتتى. وندا اتىراۋ وبلىسىنىڭ تۋماسى الميرا احاتوۆا جەڭىمپاز اتاندى. «بيىل العاش رەت «قازاق ارۋى» بايقاۋىنا ۆيكتوريا پەتروۆا ەسىمدى ارۋ قاتىساتىن بولدى. ول پاۆلودار قالاسى اتىنان باق سىنايدى. ونىڭ قازاق ءتىلىن، سالت- ءداستۇرىن قانشالىقتى بىلەتىنى ءبىزدى تاڭعالدىردى»، - دەپ جازدى بايقاۋدىڭ ۇيىمداستىرۋشىسى بايان ماقسات قىزى ءوزىنىڭ Instagram-داعى پاراقشاسىندا.