ق ر پرەزيدەنتى: تاتۋ ەلدە تاقسىرەت بولمايدى

استانا. قازاقپارات - ەلىمىزدە ەڭبەك ەتەمىن دەگەن جانعا بارلىق جاعداي جاسالىپ جاتىر. بۇل تۋرالى بۇگىن اقوردادا قازاقستاننىڭ ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.

 «ەڭ باستىسى ەل ىرگەسى تىنىش، تاتۋلىق پەن تۇراقتىلىق بار. بۇل ەڭ ماڭىزدى ماسەلە بولىپ تابىلادى. بۇگىندە جەر جۇزىندە ب ۇ ۇ- نىڭ مالىمەتتەرى بويىنشا 1 ميللياردقا جۋىق ادام اشتىقتان ازاپ شەگۋدە، 3 ميلليارد ادام تاقىر كەدەي، 16 ميلليون ادام قۇلدىقتا ءومىر سۇرەدى. 65 ميلليون ادام بوسقىن. شىبىن جانى ءۇشىن جات جەردە باس ساۋعالاپ ءجۇر، ونىڭ جارتىسى جاستار مەن سابيلەر»، - دەدى پرەزيدەنت.

 مەملەكەت باسشىسى وسىنداي الماعايىپ زاماندا ەلىمىزدىڭ بەيبىتشىلىككە بولەنۋى بىرلىك پەن بەرەكەگە ۇيىپ، تاتۋلىقتىڭ بولعانى ەكەندىگىن باسا ايتتى.

«ەڭ نەگىزگى بايلىق دەپ ساناۋ كەرەك. مىڭداعان جاڭا جۇمىس ورنى جىل سايىن اشىلىپ جاتىر. ەڭبەك ەتەمىن دەگەن جانعا بارلىق مۇمكىندىك جاسالىپ جاتىر. ءبىز تاۋبەسىنەن جاڭىلماعان ەلمىز. باردى باعالاپ، كوزدىڭ قارشىعىنداي ساقتاي بىلگەن حالىقپىز. ارى قاراي دا وسىنى ساقتاي ءبىلۋىمىز كەرەك. تاتۋ ەلدە تاقسىرەت بولمايدى»، - دەدى ەلباسى.