ەلباسى: تاۋەلسىز مەملەكەتىمىزدىڭ اياعىنا نىق تۇرۋىنا ايەلدەردىڭ قوسقان ۇلەسى ەرەكشە

استانا. قازاقپارات - تاۋەلسىز مەملەكەتتىگىمىزدىڭ نىعايىپ، اياعىنا نىق تۇرۋىنا ايەلدەردىڭ قوسقان ۇلەسى ەرەكشە.

 بۇل تۋرالى بۇگىن اقوردادا قازاقستاننىڭ ايەلدەر قاۋىمى وكىلدەرىمەن «كوكتەم شۋاعى» اتتى كەزدەسۋ بارىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.

«ءبىز قاسيەتتى تاۋەلسىزدىگىمىزدىڭ ءۇشىنشى مۇشەلىنە اياق باستىق. وسى جىلداردا مەملەكەتتىگىمىز نىعايىپ، اياعىنا نىق تۇرۋىنا ايەلدەردىڭ قوسقان ۇلەسى ەرەكشە. ەلىمىزدە ەڭبەك ەتەتىن ازاماتتاردىڭ تەڭ جارتىسىنان كوبى قىز- كەلىنشەكتەر. ايەلدەر ۇكىمەت قۇرامىندا، پارلامەنت قابىرعاسىندا، ءتۇرلى دەڭگەيدەگى اكىمدىكتەردە تابىستى جۇمىس جاساۋدا»، - دەدى قازاقستان پرەزيدەنتى.

مەملەكەت باسشىسىنىڭ دەرەگىنشە، ءبىلىم بەرۋ سالاسىندا 656، دەنساۋلىق سالاسىندا 75، مەملەكەتتىك قىزمەتتە 55 پايىز ايەلدەر جۇمىس ىستەيدى. جەكە كاسىپكەرلىكتىڭ تەڭ جارتىسى، شاعىن جانە ورتا بيزنەستىڭ 42 پايىزى ايەل ازاماتتاردىڭ قولىندا. «بولاشاق» باعدارلاماسىمەن شەتەلدەن ءبىلىم العان 12 مىڭنان استام جاستىڭ تەڭ جارتىسى قىزدار. «بىرنەشە جىلدا بەرى «وتباسى كۇنى» مەرەكەسىن اتاپ ءوتىپ كەلە جاتقانىمىزدى وزدەرىڭىز دە بىلەسىزدەر. «مەرەيلى وتباسى» بايقاۋى جالپى حالىقتىق دەڭگەيدەگى شاراعا اينالىپ كەلەدى. بىلتىردان بەرى بالا قۇقىقتارى جونىندەگى ينستيتۋت قۇرىلىپ، جۇمىس ىستەۋدە. زاعيپا بالييەۆا حانىم ول ۇجىمدى باسقارىپ كەلەدى»، - دەدى مەملەكەت باسشىسى.

ايتا كەتەيىك، كەزدەسۋگە ءماجىلىس دەپۋتاتى زاعيپا باليەۆا، عالىم- ميكروبيولوگ ءاليا ەرنازاروۆا، ۋنيۆەرسيادا-2017 چەمپيونى اننا شيەۆچەنكو، ق ح ا مۇشەسى، اۋىل مەكتەبىنىڭ ديرەكتورى يرينا سەدوۆا، «جاس اتامەكەن» جاس كاسىپكەرلەر كلۋبىنىڭ پرەزيدەنتى زارينا كوكجانوۆا، اقىن تولقىن قابىلشا، ءانشى ماريا گاليتسكايا، «تەڭىزشيەۆرويل» ج ش س ادام رەسۋرستارىن باسقارۋ باس مەنەدجەرى، اۋداندىق اۋرۋحانانىڭ باس دارىگەرى قارلىعاش رازيەۆا، ۇلتتىق ەكونوميكا ۆيتسە- ءمينيسترى ءمادينا ءابىلقاسىموۆا،

«استانا- بالەت» تەاترىنىڭ جەتەكشى بالەريناسى ميلانا بۋكانوۆا، كوپبالالى انا وكسانا مۋكاشيەۆا، قوبىزدان حالىقارالىق بايقاۋلاردىڭ لاۋرەاتى اقەركە تاجىبايەۆا، استانا قالالىق كامەلەتكە جاسى تولماعاندار ءىسى جونىندەگى مامانداندىرىلعان اۋدانارالىق سوتتىڭ ءتوراعاسى نازيليا راززاك، اباي اتىنداعى مەملەكەتتىك اكادەميالىق وپەرا جانە بالەت تەاترىنىڭ ءسوليسى وكسانا داۆىدەنكو، ق ر ق ك پاراشيۋت دايىندىعى ورتالىعىنىڭ اعا مامانى ريمما رامازانوۆا، اكتريسا سالتانات باقايەۆا، جۋرناليست ۆەنەرا ميرلان قىزى قاتىسۋدا.

اۆتور: مارلان جيەمباي