قىرعىز پرەزيدەنتى ۇياتقا قالدى - ۆيدەو
10:11, 07 - ناۋرىز 2017
استانا. قازاقپارات - سەيسەنبى كۇنى رف پرەزيدەنتى ۆلاديمير پۋتيننىڭ قىرعىز ەلىنە ساپارى بارىسىندا المازبەك اتامبايەۆ وتە ىڭعايسىز جاعدايعا قالعان.
قىرعىز رەسپۋبليكاسىنىڭ پرەزيدەنتى المازبەك اتامبايەۆ كورشى ەل باسشىسىن كۇتىپ الۋ راسىمىنە قاتىسىپ، رەسەي ءانۇرانى ورىندالار كەزدە قولىن كەۋدە تۇسىنا قويعان. ديپلوماتيالىق پروتوكول بويىنشا مەملەكەتكە وزگە ەل باسشىلارى كەلگەندە، ەڭ اۋەلى سول ەلدىڭ مەملەكەتتىك ءانۇرانى ورىندالادى. ال كۇتىپ الۋشى تاراپ ەشبىر يشارات بىلدىرمەۋى ءتيىس. المازبەك اتامبايەۆ بولسا، ىڭعايسىز جاعدايعا قالعانى بىلاي تۇرسىن، جان- جاعىنا جالتاقتاي باستادى.
وسى ورايدا قىرعىزستان جەلى قولدانۋشىلارى: «المازبەك، بۋل سەنين ۋلۋتتۋك گيمن ەمەس!» دەپ ەسكەرتپە جاساپ، ۆيدەونى تاراتقان.