وسكەمەندەگى مەيرامحانالاردىڭ ءبىرى سۋعا اعىپ كەتتى
09:53, 07 - ناۋرىز 2017
استانا. قازاقپارات - وسكەمەندەگى مەيرامحانالاردىڭ ءبىرى سۋعا اعىپ كەتتى.
وزەن ۇستىنە سالىنعان عيمارات جاعاعا جالاڭ سىممەن بەكىتىلگەن ەكەن. ونىسى، ەسكىرىپ، ءۇزىلىپ كەتىپتى. وقيعا ورىن العاندا مەيرامحانا ىشىندە قىزمەتشىلەر مەن قوناقتار بولماعان.
ال ارقانى ۇزىلگەن بارجا ەرتىس وزەنىنىڭ ەكىنشى جاعاسىنا جەتپەي، ورتادا قايراڭداپ قالدى. ەندى ونى ورنىنا قايتارۋ ءۇشىن مەيرامحانا يەسىنىڭ ءبىراز شىعىندالۋىنا تۋرا كەلەتىن سىڭايلى.
سەبەبى، وعان سۋ كولىكتەرىنە قىزمەت كورسەتەتىن جەكە كومپانيالاردىڭ كومەگى قاجەت.
قايراڭداعى بارجانى جاعاعا تارتىپ شىعۋ دا ءبىر كۇننىڭ شارۋاسى ەمەس. ال قالا تۇرعىندارى جاعالاۋدىڭ تازارىپ قالعانىنا قۋانىشتى سياقتى.
nur.kz