قازاقستاننىڭ پرەمەر- ءمينيسترى بىشكەككە باردى
07:36, 07 - ناۋرىز 2017
استانا. قازاقپارات - قازاقستاننىڭ پرەمەر- ءمينيسترى باقىتجان ساعىنتايەۆ ەۋرازيالىق ۇكىمەتارالىق كەڭەستىڭ (ە ۇ ا ك) كەزەكتى وتىرىسىنا قاتىسۋ ءۇشىن بىشكەككە جۇمىس ساپارىمەن باردى، دەپ حابارلايدى ق ر ۇكىمەتىنىڭ باسپا ءسوز قىزمەتى.
ە ۇ ا ك جۇمىسى اياسىندا باقىتجان ساعىنتايەۆ قىرعىز رەسپۋبليكاسىنىڭ پرەمەر-ءمينيسترى سوورونباي جەەنبەكوۆپەن كەزدەسۋ وتكىزدى.
كەزدەسۋ بارىسىندا ەكىجاقتى ساۋدا- ەكونوميكالىق قاتىناستار، شەكارا، كولىك- لوگيستيكا جانە ەنەرگەتيكا سالالارىنداعى ىنتىماقتاستىق ماسەلەلەرى تالقىلاندى. سونداي-اق، ەرتەڭ ەۋراز ە و- عا مۇشە ەلدەردىڭ ۇكىمەت باسشىلارىنىڭ قىرعىزستاننىڭ پرەزيدەنتى المازبەك اتامبايەۆپەن ۇجىمدىق كەزدەسۋى جوسپارلانعان.
ايتا كەتەيىك، ۇكىمەتارالىق كەڭەس - وداق ەلدەرىنىڭ ۇكىمەت باسشىلارىنان قۇرالعان ەۋراز ە و ورگانى. ە ۇ ا ك ەۋرازەو تۋرالى كەلىسىمشارتتى، حالىقارالىق كەلىسىمشارتتاردى جانە جوعارعى كەڭەستىڭ شەشىمدەرىن جۇزەگە اسىرۋدى جانە ولاردىڭ ورىندالۋىن باقىلاۋدى قامتاماسىز ەتەدى.