قازاقتان وليمپيادا چەمپيونىن شىعارام دەگەن تۇركەلەري قىزمەتىنەن كەتتى

استانا. قازاقپارات -  اۋىر اتلەتيكادان قازاقستان  ۇلتتىق قۇراماسىندا باس مامان بولعان تۇركيالىق ەنۆەر تۇركەلەري قىزمەتىنەن كەتتى، دەپ حابارلايدى قازاقپارات ءتىلشىسى.

بۇل حاباردى  قازاقستان اۋىر اتلەتيكا فەدەراتسياسى  دا راستادى.   تۇركيالىق ماماننىڭ ورنىن بوساتقانىنا بىرنەشە اي بولىپتى.

ايتا كەتەيىك، تۇركەلەري قازاقستان ۇلتتىق قۇراماسىندا ون شاقتى جىل   باس   كەڭەسشى  قىزمەتىن اتقارعان بولاتىن.

ەستەرىڭىزگە سالا كەتەيىك، ول وسىدان بىرەر جىل بۇرىن «قازاقتان وليمپيادا چەمپيونىن شىعارام» دەپ سەرت بەرگەن بولاتىن. الايدا، ريو-دە-جانەيرو وليمپياداسىندا تۇڭعىش رەت قازاق قىزى جازيرا جاپپارقۇل وليمپيادا ويىندارىنىڭ كۇمىس جۇلدەگەرى اتاندى.

اۆتور: كۇنسۇلتان وتارباي