ورالدىق كوماندا حالىقارالىق تۋرنيردە جەڭىمپاز اتاندى
كوماندانىڭ باس باپكەرى كولەڭكە عۇباشەۆتىڭ ايتۋىنشا، اتالمىش جارىسقا حورەزم، فەرعانا (وزبەكستان)، وش (قىرعىزستان)، وسكەمەن، تالدىقورعان، شىمكەنت، ورال جانە سارى اعاشتان كوماندالار قاتىسىپ، باق سىنادى.
ءتورت كوماندا ىرىكتەلىپ شىققان فينالدا ورالدىقتار «جەتىسۋعا» (تالدىقورعان) عانا 2:3 ەسەبىمەن ەسە جىبەردى. دەگەنمەن بۇدان قورىتىندى شىعارا بىلگەن «گراتسيا- KZ» كومانداسى وسكەمەننىڭ «التايىن»، سوڭعى كۇنى الاڭ يەلەرىن 3:0 ەسەبىمەن تىزە بۇكتىردى، ءسويتىپ تۋرنير كۋبوگىن يەلەندى.
«باتىس قازاقستاندىقتار دوپ بەرۋدە ءجيى قاتەلەسىپ، بىزدەن جەڭىلىپ قالعانىمەن، تۋرنيردىڭ ۇزدىك كومانداسى ەكەندىگىن دالەلدەي ءبىلدى. بىزدەر وڭتۇستىك قازاقستاندىقتاردان ۇتىلعاننان كەيىن «گراتسيا- KZ» الاڭ يەلەرىن جەڭسە، جارىس جەڭىمپازى اتاناتىن ەدى. ولار شەبەر ويىن ورنەگىن كورسەتىپ، بۇل مۇمكىندىكتەرىن تولىعىمەن پايدالانا ءبىلدى.
جالپى، وسىعان دەيىن قازاقستان ۇلتتىق قۇراماسىنا سانا جارلىعاسوۆا (قازىر انارقۇلوۆا)، زارينا سيتقازىنوۆا، ايناگۇل ايجارىقوۆا سىندى ويىنشىلاردى دايىنداي بىلگەن ورالدىق كوماندادان بۇدان كەيىن دە ەل نامىسىن قورعايتىن مىقتى ۆولەيبولشىلار شىعاتىنىنا سەنەمىن»، دەدى «جەتىسۋ» كومانداسىنىڭ باپكەرى، سپورت شەبەرى ەكاتەرينا زارەچنايا.
ايتا كەتەيىك، جۋىردا «گراتسيا- KZ» كومانداسى ۆولەيبولدان 2005-2006 -جىلعى قىزدار اراسىندا باشقۇرتستان استاناسى ۋفا قالاسىندا وتكەن حالىقارالىق تۋرنيردە كۇمىس جۇلدەگەر اتانعان بولاتىن.
اۆتور: ەلجان ەرالى