ايگىلى بوكسشىنىڭ ءۇيىن توناپ كەتتى
استانا. قازاقپارات -الەمدەگى ەڭ مىقتى بوكسشىلاردىڭ الدىڭعى قاتارىنان تابىلاتىن فلويد مەيۆەزەردىڭ لاس-ۆەگاس قالاسىنداعى ءۇيىن توناپ كەتتى.
بۇل مەزەتتە سپورتشى ءوزىنىڭ 40 جاس مەرەيىن تويىن لوس-اندجەلەستە تويلاپ جاتقان كورىنەدى.
ءتۇرلى قۇمار ويىنداردىڭ ورداسى سانالاتىن ولكەدەگى مەيۆەزەردىڭ ۇيىنەن ازىرگە 150 مىڭ ا ق ش دوللارى جوعالعانى ءمالىم بولعان.
قازىرگى تاڭدا قۇقىق قورعاۋ قىزمەتكەرلەرى بۇعان كىنالىلەر مەن قىلمىسكەرلەردى ىزدەستىرۋگە كىرىسكەن.
ءوزىنىڭ سپورتتىق عۇمىرىندا 49 جەكپە-جەك وتكىزىپ بارلىعىندا جەڭىسكە جەتكەن فلويد مەيۆەزەر 26 قارسىلاسىن نوكاۋتپەن جەڭگەن. سونداي-اق 5 سالماق بويىنشا الەم چەمپيونى اتانعان.
ەستەرىڭىزگە سالا كەتەيىك، بۇعان دەيىن ارگەنتينالىق شابۋىلشى انحەل دي ماريانىڭ دا ءۇيىن توناپ كەتكەن بولاتىن. ءوزىنىڭ وتباسى ءۇشىن الاڭداعان ويىنشى مانچەستەردەگى ءۇيىن ساتۋعا ءماجبۇر بولعان.
Massaget.kz