ديماش «دايديداۋدى» ورىنداپ بولعان سوڭ ەڭكىلدەپ جىلاعان
سەبەبى ونىڭ ەڭ اۋەلگى ماقساتى ورىندالدى. ول قىتايلارعا، قالا بەردى بۇكىل الەمگە قازاق ءانىن، قازاق كۇيىن تىڭداتتى.
بۇل تۋرالى ديماشتىڭ جاقىن دوسى ءارى رەسمي وكىلى الپامىس ءشارىموۆ جازدى، دەپ حابارلايدى Stan.kz.
«كەشىر ديماش! ءبىر سىرىمىزدى بولىسەمىن: ساحنا سىرتىنا كەلىپ مەنى قۇشاقتاپ جىلاپ الدى. ەڭكىلدەپ تۇرىپ جىلاعان ديماش «ماقساتىم وسى بولاتىن ەدى عوي، دوسىم» دەپ اعىنان جارىلدى! ديماشتىڭ وسىنشاما تولقىعانىن بۇرىن كورمەپ ەدىم. راسىمەن دە، ساحنادا تولقىپ تۇردى، كاسىبي كۇيشى بولماسا دا «ادايدى» تارتتى! 24 ساعات قاسىندا جۇرگەن «مەن بىلەمىن» دەپ ايتا الامىن: بۇگىنگى كۇن ول ءۇشىن ەرەكشە بولدى! ديماشتىڭ ونەرى كورسەتكەنىنە ءبىر كۇن وتپەي قىتاي سايتتارى قازاقتىڭ اسپاپتارىن زەرتتەپ جاتىر. ءبىر عانيبەت! «اداجيو» بولسىن. ديماش وسىلاي قۋانباعان شىعار! جۇرەگى بالاداي تاپ-تازا دوسىمنان اينالدىم! مەن سەنى، سەنىڭ ونەرگە دەگەن ماحابباتىڭدى، سەنىڭ ونەر دەپ سوققان جۇرەگىندى جاقسى كورەمىن! باۋىرىم، دوسىم ديماش الدا تالاي جەڭىس بار! العا! قازاقستاننان قولداپ كەلگەن مۋزىكانت جىگىتتەر مەن قىزدارعا، مەنىڭ جاڭا دوستارىما مىڭ العىس!» - دەپ جازادى ءشارىموۆ.
ەسكە سالا كەتەيىك، ديماش قۇدايبەرگەن I am a Singer جوباسىنىڭ 7-كەزەڭىندە دومبىرامەن «اداي» كۇيى مەن قازاقتىڭ حالىق ءانى «دايديداۋدى» ورىنداپ، قىتايلاردى ءتانتى ەتتى.