باحتيار ەيۋبوۆتىڭ كەلەسى قارسىلاسى كىم؟

استانا. قازاقپارات - قازاقستاندىق بوكسشى باحتيار ەيۋبوۆتىڭ كەلەسى قارسىلاسىنىڭ ەسىمى بەلگىلى بولدى، دەپ حابارلايدى قازاقپارات ءتىلشىسى.

جەرلەسىمىز 10- ناۋرىزدا دەترويدتا (ميچيگان، ا ق ش) وتكىزەتىن جەكپە-جەگىندە 39 جاسار امەريكالىق گيلبەرت ۆەنەگاسپەن (15-26-5, 8 ك و) قولعاپ تۇيىستىرەدى.

بوكس كەشى MGM Grand Detroit ارەناسىندا وتەدى. جارتىلاي ورتا سالماقتا وتەتىن كەزدەسۋ 6 راۋندتان تۇرادى. بۇل كەشتى امەريكالىق Showtime تەلەارناسى تىكەلەي ەفير ارقىلى كورسەتۋدى جوسپارلاپ وتىر.

ەستەرىڭىزگە سالا كەتسەك، ەيۋبوۆ كاسىپقوي بوكستا 11 كەزدەسۋ وتكىزىپ، بارلىعىندا دا جەڭىسكە جەتكەن، ونىڭ ىشىندە ون كەزدەسۋدى ۋاقىتىنان بۇرىن اياقتاعان.

اۆتور: كۇنسۇلتان وتارباي