پرەزيدەنت پارلامەنت پەن ۇكىمەتتىڭ قىزمەتىنە قاتىستى وزگەرىستەردى اتادى
«بىرىنشىدەن، جاڭا زاڭ مەملەكەتتىك ىستەردە پارلامەنتتىڭ ءرولىن ايتارلىقتاي كۇشەيتەدى. ونىڭ ىشىندە ۇكىمەتتى قالىپتاستىرۋدا وكىلەتتىگى ارتادى. ەندى پارلامەنتتىڭ زاڭنامالىق بيلىك بولىپ تابىلاتىندىعى جازىلاتىن بولادى، بۇرىن «زاڭنامالىق قىزمەتتەردى جۇزەگە اسىرادى» دەپ تۇجىرىمدالعان ەدى. ياعني، ول ەندى ناقتىلاندى. ۇكىمەتتىڭ دەربەستىگى ارتا تۇسەدى، وعان ەكونوميكانى تىكەلەي باسقارۋ بويىنشا وكىلەتتىك بەرىلەدى»، - دەدى نازاربايەۆ پارلامەنت پالاتالارىنىڭ بىرلەسكەن وتىرىسىندا.
سونىمەن قاتار مەملەكەت باسشىسى ازاماتتاردى قورعاۋ باعىتىندا كاسساتسيالىق ساتىنىڭ سوتى رەتىندە جوعارعى سوتتىڭ ءرولى نىعايتىلاتىنىن اتاپ ءوتتى. «كونستيتۋتسيالىق باقىلاۋدىڭ جۇيەسى نىعايادى. ەڭ باستىسى، كونستيتۋتسيالىق دەڭگەيدە ءبىزدىڭ تاۋەلسىزدىگىمىزدىڭ تۇراقتىلىعىنىڭ، بىركەلكىلىكتىڭ، اۋماقتىق تۇتاستاستىقتىڭ جانە باسقارۋ فورماسىنىڭ كەپىلدىگى بەكىتىلەدى»، - دەپ قوستى پرەزيدەنت.
ەلباسىنىڭ تاپسىرماسى بويىنشا ۇكىمەت زاڭ جوباسىن دايارلادى، وندا پرەزيدەنتتەن اتقارۋشى ورگاندارعا 35 وكىلەتتىك قوسىمشا بەرىلەتىنى ەسكەرىلگەن. كونستيتۋتسيادا 23 وكىلەتتىك قاراستىرىلعان جانە ونىڭ 35 ءى زاڭداردا جازىلعان، ياعني ولار پارلامەنت پەن ۇكىمەتكە بەرىلەدى. وسى رەتتە ەكونوميكانى، قارجىنى، مەملەكەتتىك مۇلىكتى باسقارۋ، اكىمشىلىك- اۋماقتىق ماسەلەلەر قامتىلعان.
«بۇگىندە بىزدە جوعارى كاسىبي بيلىك تارماقتارى بار ەكەندىگىنە سەنىمدىمىن، ولار وزدەرىنە جاۋاپكەرشىلىكتى الۋعا، ءوز بەتىنشە ەلگە قاجەتتى شەشىمدەردى قابىلداۋعا قاۋقارلى»، - دەپ اتاپ ءوتتى نازاربايەۆ.
اۆتور: رۋسلان عابباسوۆ