وباما ساياساتقا قايتا ورالۋدى جوسپارلاۋدا
09:13, 03 - ناۋرىز 2017
استانا. قازاقپارات - ا ق ش- تىڭ بۇرىنعى پرەزيدەنتى باراك وباما ساياسات ساحناسىنا ورالۋعا دايىن.
بۇل تۋرالى ا ق ش- تىڭ بۇرىنعى باس پروكۋرورى ەريك حولدەر مالىمدەدى. «ول (وباما) ىسكە كىرىسۋگە دايىن»، - دەدى حولدەر. ول «ءبىزدىڭ دەموكراتيامىز ءۇشىن شىنايى شايقاس» باستالعانىن اتاپ ءوتتى.
حولدەردىڭ ايتۋىنشا، دەموكراتيالىق پارتيا بارلىق كۇشىن شتاتتىق دەڭگەيدەگى زاڭنامالىق جينالىستار سايلاۋلارىنا جۇمساماق. وسىلايشا، پارتيانىڭ كونگرەستەگى ىقپالىن ارتتىرىپ، دونالد ترامپتىڭ ساياساتىنا قارسى تۇرماق نيەتتە.
سونداي-اق، دەموكراتتار ا ق ش- تاعى سايلاۋ وكرۋگتەرىندەگى وزگەرىستەردى باسا نازاردا ۇستاۋدى جوسپارلاۋدا. وباما ۇلتتىق دەموكراتيالىق كوميتەتكە ارنالعان قارجىلاردى جيناۋعا اتسالىسىپ، زاڭنامالىق پروتسەستە كەڭەسشى رەتىندە جۇمىس جاساۋى مۇمكىن.