قازاقستان تاۋەلسىزدىگىن مويىنداعان العاشقى ەل بولعانىمىزدى ماقتان تۇتامىز - تۇركيا ەلشىسى
20:36, 02 - ناۋرىز 2017
استانا. قازاقپارات - قازاقستاننىڭ تاۋەلسىزدىگىن مويىنداعان العاشقى مەملەكەت بولعانىمىزدى ماقتان تۇتامىز.
بۇل تۋرالى تۇركيا رەسپۋبليكاسىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى نيەۆزات ۋيانىك ەكى ەل اراسىنداعى ديپلوماتيالىق قارىم-قاتىناستىڭ ورناعانىنا 25 جىل تولۋىنا وراي بىلدىرگەن پىكىرىندە ايتتى، دەپ حابارلايدى قازاقپارات.
«بۇگىن قازاقستان مەن تۇركيا اراسىنداعى ديپلوماتيالىق قارىم-قاتىناستارىمىزدىڭ ورناعانىنا 25 جىل تولدى. قازاقستاننىڭ تاۋەلسىزدىگىن مويىنداعان العاشقى مەملەكەت بولعانىمىزدى ماقتان تۇتامىز. دوستىعىمىز ورتاق تاريح پەن مادەني بايلانىستاردان ءنار الۋدا. ءوزارا تيىمدىلىك پەن سىيلاستىق نەگىزىندە ەكى جاقتى قارىم-قاتىناستارىمىزدىڭ ودان ءارى نىعايا تۇسەتىنىنە سەنىمدىمىن»، - دەدى تۇركيا ەلشىسى.
اۆتور: مارلان جيەمباي