قوستانايدا پسيحياتر-دارىگەردىڭ تۇتقىندالۋى ادام ولىمىنە قاتىستى بولۋى مۇمكىن
ونى كلينيكا قىزمەتكەرلەرىنىڭ كوزىنشە تۇتقىنداعان. وقيعا كۋاگەرلەرىنىڭ ايتۋىنشا، يزالدينانى اۋرۋحانادان قولىنا كىسەن سالىپ الىپ شىققان. «قازاقپارات» ءتىلشىسى قوستاناي وبلىستىق ءى ءى د- ءنىڭ باسپا ءسوز قىزمەتىنە يزالدينانى تۇتقىنداۋ سەبەبى جايلى، سونداي-اق ونىڭ قوستاناي وبلىستىق سوت-مەديتسينالىق ساراپتاماسىنىڭ ءتورايىمى راشيدا ساندىبايەۆانى ءولتىرۋ قىلمىسىنا قاتىسى بار-جوعى تۋرالى ساۋال جولدادى.
باسپا ءسوز قىزمەتىنىڭ مامانى بۇل اقپاراتتى راستاپ، نە جوققا شىعارۋدان باس تارتتى. تەك ساۋالعا قاجەتتى پروتسەسسۋالدىق ءىس-ارەكەتتەر وتكىزىلگەننەن كەيىن جاۋاپ بەرىلەتىندىگىن مالىمدەدى. ەسكە سالا كەتەيىك، 20- اقپان كۇنى تانىمال دارىگەر، وبلىستىق پسيحياتريالىق ديسپانسەرىنىڭ بۇرىنعى باسشىسى راشيدا ساندىبايەۆانىڭ قاتىگەزدىكپەن ولتىرىلگەن دەنەسى تابىلدى. 1- ناۋرىز كۇنى قىلمىسقا قاتىسى بار كۇدىكتىلەر تۇتقىندالعان ەدى.