قىتاي جوعارى دەڭگەيلى ۆيرۋستىق زەرتحانا اشادى
ول ورتالىق ازياداعى ءبىرىنشى Р4 زەرتحانا بولماق جانە قىتاي «ەبولا» ۆيرۋسى سەكىلدى كۇشتى قوزدىرعىشتاردى زەرتتەۋ جانە قولدانۋعا ارنالعان اپپاراتتىق شارتقا رەسمي تۇردە يە بولادى.
بۇل تۋرالى قازاقپارات «رىن مين رى باۋ» باسىلىمىنا سىلتەمە جاساپ حابارلايدى. قىتاي قوعامدىق دەنساۋلىقتى ساقتاۋدىڭ جاھاندىق قاۋىپسىزدىگىمەن قامتاماسىز ەتۋ جاۋاپكەرشىلىگىن ءوز موينىنا الدى. ۋحان P4 زەرتحاناسىنىڭ ديرەكتورى يۋان چجيپەن اتالعان زەرتحانانىڭ بيوقاۋىپسىزدىك بويىنشا تولىق جانە زاماناۋي جۇيەمەن قامتۋىن جانە جۇقپالى اۋرۋلاردى باقىلايتىن، الدىن الاتىن، كۇشتى قوزدىرعىشتاردى ساقتايتىن قىتايلىق ورتالىق جانە جۇقپالى اۋرۋلار بويىنشا ب ۇ ۇ انىقتامالىق زەرتحاناسى ەتۋدى ۇسىندى.
بۇگىنگە دەيىن تۇرعىزىلعان عيماراتتارمەن سالىستىرعاندا، P4 زەرتحاناسىنىڭ بيوقاۋىپسىزدىكتى قورعاۋ دەڭگەيى وتە جوعارى. ول جۇقپالى قوزدىرعىشتاردىڭ ورتاعا تاراۋىن توقتاتادى جانە زەرتتەۋشىلەردى قاۋىپسىزدىكپەن قامتاماسىز ەتەدى. قىتاي عىلىم اكادەمياسىنىڭ ۆيتسە- پرەزيدەنتى چجان ياپيننىڭ ايتۋىنشا، جاڭا جانە جۇقپالى اۋرۋلاردى قاداعالاۋ جانە الدىن الۋ قابىلەتى بويىنشا، زەرتتەۋدىڭ عىلىمي- زەرتتەۋشىلىك مۇمكىندىكتەرىن دامىتۋ جانە انتيۆيرۋستىق قۇرالدار مەن ەكپەلەر جاساۋ بويىنشا ۋحان P4 زەرتحاناسىنىڭ قىتاي ءۇشىن نەگىزدىك جانە تەحنيكالىق ءمانى وراسان. سوڭعى 30 جىلدا الەمدە جاڭا جۇقپالى اۋرۋلار پايدا بولدى. قىتايدان وزگە فرانسيا، كانادا، گەرمانيا، اۆستراليا، ا ق ش، ۇلى بريتانيا، شۆەتسيا، وڭتۇستىك افريكا جانە وزگە مەملەكەتتەردە P4 زەرتحانالار بار.