فەيسبۋك الەۋمەتتىك جەلىسى وزىنە ءوزى قول سالۋعا بەيىم ادامداردى انىقتاي باستادى
اگەنتتىكتىڭ حابارلاۋىنشا، Facebook جەلىنى قولدانۋشىلار جازىپ قالدىرعان جازبالار ارقىلى ولاردىڭ يەلەرى تۋرالى اقپارات بەرەتىن الگوريتم قۇراستىردى. جاساندى اقىل-وي جەلى قولدانۋشىلارىنا ولاردىڭ دوستارىنان كەلگەن «مەن ساعان الاڭداپ وتىرمىن»، «سەندە ءبارى دۇرىس پا؟ » دەگەن ماعىناداعى سوزدەردى انىقتاپ وتىرادى. bbc-دىڭ مالىمەتتەرى بويىنشا، جەلىگە قولدانۋشىلار جازىپ قالدىرعان سوزدەرگە ارنايى ساراپتاما جۇرگىزىلەدى دە سول ارقىلى ادامنىڭ كومەكتى قاجەت ەتەتىنىن نەمەسە قاجەت ەتپەيتىنىن بەلگىلى بولادى.
ساراپتامانىڭ قورىتىندىسى ارنايى زەرتتەۋشىلەرگە جىبەرىلەدى. اتالمىش باعدارلامامەن جۇمىس ىستەيتىن ءبولىم باسشىسىنىڭ حابارلاۋىنشا، مۇنداي شارالار پايدالى عانا ەمەس، اسا قاجەت. اتالعان جوبا ازىرگە تەك ا ق ش- تا عانا جۇزەگە اسىرىلۋدا. Facebook وكىلدەرى سونىمەن قاتار ادامنىڭ جۇيكە جۇيەسىن زەرتتەۋمەن اينالىساتىن بىرنەشە ۇيىممەن بىرگە جۇمىس ىستەپ جاتقاندىعىن جەتكىزدى. سۋيسيدكە بەيىم جەلى قولدانۋشىلارى ەندى ولارمەن ارنايى الاڭ ارقىلى جەدەل تۇردە حابارلاسا الادى. بۇعان قوسا الەۋمەتتىك جەلى ونلاين- ترانسلياتسيا كەزىندە دە وزىنە- وزى قول سالۋعا بەيىم تۇراتىن ادامداردى انىقتاۋ تەتىگىن دە ويلاستىرۋدا.