نازاربايەۆ: ازاماتتاردىڭ ساياسي پىكىرلەرىنىڭ شاشىراڭقىلىعى - ءبىزدىڭ كەمشىلىگىمىز
بۇل تۋرالى بۇگىن اقوردادا ءوتىپ جاتقان بيلىك تارماقتارى اراسىنداعى وكىلەتتىكتەردى قايتا ءبولۋ جونىندەگى جۇمىس توبىنىڭ كەزەكتى وتىرىسىندا ەلباسى نۇرسۇلتان نازاربايەۆ ايتتى، دەپ حابارلايدى قازاقپارات.
«ازاماتتارىمىز ايتقان پىكىرلەردىڭ شاشىراڭقى بولۋى جۇمىستاعى، بيلىك جۇيەسىندەگى ءبىزدىڭ كەمشىلىكتەرىمىزدى، اسىرەسە قۇقىق قورعاۋ ورگاندارىمەن اينالىسۋىمىز قاجەتتىلىگىن بىلدىرەدى. ماعان دا ءولىم جازاسىنا قاتىستى ءتۇرلى ماسەلەلەر ايتقان بولاتىن»، - دەدى ەلباسى.
وسى رەتتە ق ر پرەزيدەنتى جۇمىس توبىنا بارلىق ۇسىنىستاردى تىڭعىلىقتى قاراپ، قاجەت ەمەستەرىن الىپ تاستاۋدى تاپسىردى.
«سوندىقتان جۇمىس توبى مۇنىڭ بارلىعىن ەلەكتەن وتكىزىپ، بارىنشا ماڭىزدى پىكىرلەردى انىقتاۋى قاجەت. قاتىپ قالعان ەشتەڭە دە جوق، پروتسەسس، ءومىر ءجۇرىپ جاتىر، بارلىعى دا دامۋدا. ۋاقىتتىڭ تالابىنا سايكەس قانداي دا ءبىر وزگەرىستەر بولار»، - دەدى نۇرسۇلتان نازاربايەۆ.
اۆتور: مارلان جيەمباي