استانادا تۇڭعىش رەت شالا قازاقتاردىڭ وتىرىسى ءوتتى - فوتو
11:18, 01 - ناۋرىز 2017
استانا. قازاقپارات - استانادا شالا قازاقتار كلۋبى مۇشەلەرىنىڭ العاشقى كەزدەسۋى ءوتتى.
بۇل تۋرالى Facebook پاراقشاسىنداعى توپتاردىڭ بىرىندە حابارلاندى دەپ جازادى NUR. KZ.
وتىزعا جۋىق استانالىق قىز- جىگىتتەر ءبىر داستارحان باسىنا جينالىپ، تەك قانا قازاق تىلىندە سويلەۋگە تىرىستى.
شالا قازاقتاردىڭ وتىرىسىنا بۇگىنگە دەيىن تۋعان ءتىلىن بىلمەگەنى ءۇشىن وزىنەن باسقانى كىنالى سانامايتىن جاستار جينالعان.
«ولار اكسەنتپەن سويلەدى. قاتەلەستى. سوزدەردى شاتاستىرىپ الدى. اراسىندا مۇلدە سويلەمەگەندەرى دە بار. ايتسە دە، ولار ءبىر-بىرىمەن تانىسىپ، سويلەسىپ، ارالاسا باستادى. ويتكەنى، قازاقشا قاتە سويلەگەنى ءۇشىن قاسىنداعى ادامنىڭ كۇلىپ قارامايتىنىن تۇسىنگەن. ەگەر ءسىز دە شالا قازاق بولساڭىز، كلۋبقا قوش كەلدىڭىز»، - دەپ جازىلعان پاراقشادا.