استانا قوناقۇيلەرىندە شەتەلدىكتەردى تىركەيتىن ونلاين- سەرۆيس ىسكە قوسىلدى
15:32, 28 - اقپان 2017
استانا. قازاقپارات - قازاقستاندا قوناقۇيلەرگە توقتايتىن شەتەل ازاماتتارىن تىركەۋگە ارنالعان ونلاين- سەرۆيس ىسكە قوسىلدى،
دەپ حابارلادى «قازاقپارات» ح ا ا.
«قازاقستاندا قوناقۇيلەرگە توقتاعان شەتەل ازاماتتارىن تىركەۋ ءۇشىن ونلاين- سەرۆيس ىسكە قوسىلدى. جاڭا فورمات كوشى- قون قىزمەتى وكىلدەرىنىڭ قاتىسۋىنسىز بەس مينۋت ىشىندە كەلگەن قوناقتى تىركەۋگە مۇمكىندىك بەرەدى. استانا كونۆەنشن بيۋرو ەلەكتروندى- سيفرلىق قولتاڭبانى جەدەلدەتىپ الۋ قاجەتتىگىن ءتۇسىندىرۋ بويىنشا قالا قوناقۇيلەرىمەن جۇمىستى جالعاستىرۋدا»، - دەدى استانا كونۆەنشن بيۋرو ديرەكتورى سانيار ايتەكەنوۆ.
ونىڭ اقپاراتىنا سايكەس، تاعى 30-عا جۋىق قوناقۇي وسى ماسەلەنى پىسىقتاۋ ءۇشىن استانا قالاسىنىڭ پروكۋراتۋراسىنا جولداندى. استانا كونۆەنشن بيۋرو - قالانىڭ تۋريستىك سەكتورىن جوسپارلاۋ، دامىتۋ جانە جىلجىتۋ بويىنشا نەگىزگى ۇيىم، استانا قالاسىنىڭ ينۆەستيتسيالار جانە دامۋ باسقارماسىنىڭ جانىنان قۇرىلدى.