سالۆادور زووباعىندا بەلگىسىز ادامدار سۋسيىردى ساباپ ءولتىردى
ال ونى دۇيسەنبى كۇنى تۇندە بەلگىسىز بىرەۋلەر ونى تاسپەن جانە اۋىر تەمىرمەن جانى شىققانشا ساباعان، دەپ حابارلايدى تاسس ورتالىق امەريكالىق رەسپۋبليكانىڭ مادەنيەت مينيسترلىگىنە سىلتەمە جاساپ.
وسى اپتادا بۇل اڭعا اسقان قاتالدىقپەن شابۋىل جاسالىپ، ۆەتەرينار دارىگەرلەر ونىڭ ءومىرىن ساقتاپ قالۋ ءۇشىن بار كۇش-جىگەرلەرىن سالدى. مادەنيەت مينيسترلىگى بەلگىسىز ادامدار توبىنىڭ گۋستاۆيتو اتتى سۋسيىردى وسىنشاما قاتالدىقپەن ءولىمشى ەتىپ ساباعاننان كەيىن ازاماتتاردىڭ جانۋارعا دەگەن جاناشىرلىقتارى مەن وسى ارەكەتكە دەگەن قارسىلىقتارىن قولدايتىندىعىن جەتكىزدى.
«بىرنەشە تاۋلىك بويى ءولىم مەن ءومىر اراسىندا ارپالىسقان جانۋار جەكسەنبى كۇنى كەشكىسىن ءولىپ قالدى». وسى ەلدىڭ ۇلتتىق پوليتسياسى مەن باس پروكۋراتۋرا وكىلدەرى وقيعانىڭ ءمان- جايىن انىقتاۋمەن اينالىسىپ جاتىر. قازىرگى تاڭدا جانۋارعا شابۋىلداۋ ارەكەتىنە قاتىستى كۇدىكتىلەر تۋرالى مالىمەتتەر جاريا ەتىلگەن جوق. بيلىك وكىلدەرى زووباقتارداعى قاۋىپسىزدىك شارالارىن نىعايتتى.