ترامپ «وسكار» جۇلدەسىن تاپسىرۋ راسىمىندە بولعان داۋعا قاتىستى پىكىر ءبىلدىردى
ترامپتىڭ ايتۋىنشا، «ۇزدىك فيلم» نوميناتسياسىنىڭ جەڭىمپازىن جاريالاعانداعى قاتەلىك ساياساتقا بايلانىستى بولدى، - دەپ جازادى Breitbart News.
«ولارعا ساياساتقا كوپ ءمان بەرەدى. بۇل وكىنىشتى- اق»، - دەدى دونالد ترامپ. سونداي-اق، ا ق ش پرەزيدەنتى وسى قاتەلىك ءۇشىن «وسكار» جۇلدەسىنىڭ بەدەلىنىڭ دە ءتۇسىپ قالعانىن ايتىپ ءوتتى.
«تاماشا كەش بولدى دەپ ايتا المايمىن. مەن «وسكار» جۇلدەسىن تاپسىرۋ راسىمدەرىنىڭ بىرنەشەۋىندە بولدىم. ءبىراق بۇل جولى بىردەڭە جەتىسپەدى، ال ماراپاتتاۋ ءراسىمىن بىلاي اياقتالۋى وتە وكىنىشتى»، - دەدى ا ق ش پرەزيدەنتى.
ەسكە سالا كەتەيىك، كەشە، 27 -اقپاندا «وسكار» جۇلدەسىنىڭ 89- ماراپاتتاۋ ءراسىمى وتكەن بولاتىن. الايدا سالتاناتتى ءىس- شارا داۋمەن اياقتالدى. باستى اتالىمدار بويىنشا جەڭىمپازدى اتاۋ بارىسىندا جۇرگىزۋشى فيلمدەردىڭ اتاۋىن شاتاستىرىپ العان بولاتىن. «لا- لا لەند» اۆتورلارى العىس ءسوزىن ايتىپ بىتكەندە ۋوررەن بيتتيدىڭ قاتەلەسكەنى بەلگىلى بولدى. ءسويتىپ، جىلدىڭ ۇزدىك فيلمى «اي جارىعى» بولدى. «نە بولعانىن بىلمەيمىن، ءبىراق تەك ءوزىمدى كىنالايمىن. بۇلدىرەتىنىمدى ءبىلىپ ەدىم! ەندى قايتىپ كەلمەيمىن دەپ ۋادە بەرەمىن»، - دەگەن ەدى دجيممي كيممەل شارا سوڭىندا.