اقمولالىق وقۋشىلار حالىقارالىق كونفەرەنتسيادان جۇلدەمەن ورالدى

كوكشەتاۋ. قازاقپارات - اقمولالىق وقۋشىلار حالىقارالىق عىلىمي- تاجىريبەلىك كونفەرەنسياسىنان جۇلدەمەن ورالدى، دەپ حابارلايدى «قازاقپارات» ح ا ا ءتىلشىسى.

ەسكە سالا كەتەيىك، 2017 -جىلدىڭ 25-26 -اقپان كۇندەرى ماسكەۋ قالاسىندا «ءتىرى عالامدا جاستار ۇرپاعى» ۇرانىمەن «قازاقستان - رەسەي: شەكاراسىز عىلىم!» وقۋشىلار مەن ستۋدەنتتەردىڭ حالىقارالىق عىلىمي- تاجىريبەلىك كونفەرەنسياسى ءوتتى. وعان قازاقستان رەسپۋبليكاسى جانە رەسەيدىڭ ءار وڭىرىنەن بارعان مەكتەپ جانە كوللەدج وقۋشىلارى مەن جوعارى وقۋ ورىندارىنىڭ ستۋدەنتتەرى قاتىستى. وسى رەتتە، اقمولا وبلىسىنىڭ ابىرويىن قورعاعان ەسىل قالاسىنداعى بالالار ءۇيىنىڭ تاربيەلەنۋشىلەرى نيكولاي كيريلوۆ پەن لەونيد شاندەر (جەتەكشىسى تاتيانا ۆولچەنكو) «ۋچيتەل پەرەد يمەنەم تۆويم!» جوباسى ارقىلى جۇلدەلى ەكىنشى ورىن الدى.

ال، «پراۆشا يلي ليەۆشا!» جانە «ۆىبور پروفەسسيي!» جوبالارىن ۇسىنعان اناستاسيا موريەۆا (جەتەكشىسى ليانا ناسۆليشۆيلي) مەن ۆالەنتينا نيكولايەۆا (جەتەكشىسى ليۋدميلا كورنيەنكو) ءۇشىنشى ورىننان كورىندى. كونفەرەنسياعا قاتىسۋشىلار ماسكەۋدىڭ ەڭ اسەم جەرلەرىنە ساياحات جاسادى.