ول ەسەنتايەۆتىڭ جانۇياعا بەرىلگەن جان ەكەنىن ايتا وتىرىپ، ونىڭ ەڭ ىزگى قاسيەتتەرىن اتادى. سونداي- اق، ءوزى اعاسىنىڭ قوس قىزى ايساۋلە مەن ايارۋمەن ارالاسپايتىنىن جەتكىزدى، دەپ حابارلايدى Stan.kz.
ءوزىن «باقىتبەك ەسەنتايەۆتىڭ جالعىز قارىنداسىمىن» دەپ تانىستىرعان ناعيما ەسەنتايەۆا اعاسىن ساعىنىپ جۇرگەنىن جەلىدەگى جازبالارى ارقىلى بىلدىرەدى. ول ارا- تۇرا باقىتبەك ەسەنتايەۆتىڭ قىزدارىمەن جانە تۋىستارىمەن تۇسكەن سۋرەتتەرىن جاريالاپ تۇرادى.
باقىتبەك ەسەنتايەۆ اپكەسى جانە قارىنداسى ناعيمامەن بىرگە
ناعيما جانە باقىتبەك ەسەنتايەۆتاردىڭ اناسى ولاردىڭ بالا كۇنىندە، ال اكەلەرى ەسەيگەن شاقتارىندا قايتىس بولعان. ناعيما ەسەنتايەۆانىڭ ايتۋىنشا، باقىتبەك اتا- اناسىنىڭ ورنىن جوقتاتپاۋ ءۇشىن كوپ ەڭبەكتەنگەن.
«ومىردەگى ەڭ قىمبات، قۇرمەتتى، اسقار تاۋ اعاتايىم مەنىڭ! كىم نە دەسە و دەسىن، كىم نە ويلاسا سونى ويلاسىن. مەن ءۇشىن تەك بۇكىل الەمدەگى ەڭ اقكوڭىل، ەڭ اق جۇرەك، ەڭ كەڭ پەيىلدى ادال جانسىڭ. سەن وتە كوپشىلسىڭ، قولىڭ اشىق، بەرەگەن، بەرەكەلى جانسىڭ. جانۇيام دەگەندە جانىڭدى بەرىپ، «اللا، اللادان كەيىن قاسيەتتى ول تەك جانۇيام» دەپ ۇنەمى ايتىپ ءجۇرۋشى ەدىڭ. وسى ءبىر كەرەمەت قاسيەتىڭدى بىرەۋ بىلسە، بىرەۋ بىلمەس. ەكى اي بولدى جان ايقايىمدى وزىڭە جەتكىزگىم كەلەدى، ءبىراق وزىڭمەن كەزدەسۋگە بارعاندا تاماعىما تىعىلعان وكسىگىمدى وزىڭنەن جاسىرىپ، بەتىڭە كۇلىپ قاراپ، وسالدىعىمدى بىلدىرمەي قايتام. ويتكەنى سەن ءوزىڭ ۇيرەتكەنسىڭ ماعان:
«ارتىمنان ەرگەن جالعىز قارىنداسىم مەنىڭ، سەن ۇل بالاعا بەرگىسىزسىڭ. ەشقاشان ەشكىمگە قينالعانىڭدى، جىلاعانىڭدى كورسەتپە، مويىما، ويتكەنى مەن بارمىن، سەنىڭ قامقورشى تىرەگىڭمىن» ، دەپ. مەن ەس بىلگەلى انامنىڭ جوقتىعىن دا بىلدىرمەدىڭ. قاتاردان قالدىرماي، نە كيەم، نە جەيمىن، نە مىنەمىن، قايدا تۇرامىن، قايدا بارامىن دەگىزبەدىڭ. سەندەي قامقور جان ەشقاشان مەندە بولعان ەمەس. رەنجىمەشى، بۇگىن سەنىڭ ءتىلىڭدى الا الماي قالدىم. نەگە ەكەنىن بىلمەيمىن، بۇگىن نە القىنعان كەۋدەمدى، نە ەگىلىپ اققان كوز جاسىمدى تىيا الار ەمەسپىن»، - دەپ جازادى ناعيما ەسەنتايەۆا.
بۇدان بولەك، ەسەنتايەۆا اعاسىنىڭ جومارت جان ەكەنىن، قولدا بارىمەن اركەز تۋعان- تۋىستارىمەن، دوس- جاراندارىمەن بولىسەتىنىن جەتكىزگەن.
«سۇڭقار قۇس شاشىپ جەيدى،
قارا قۇس باسىپ جەيدى.
ساۋىسقان تىعىپ جەيدى، - دەگەن سوزدەر ويىما ءتۇسىپ كەتتى، ويتكەنى سەن ءبىزدىڭ سۇڭقار قۇسىمىزسىڭ! ويتكەنى سەن ءومىر بويى اللانىڭ وزىڭە بەرگەن نەسىبەسىن جەكە ءوزىڭ عانا جەمەي، جانۇياڭا، اتا- اناعا، اتا- ەنە، اعايىن- تۋىس، باۋىر، اپكە، قارىنداس، دوس- جولداس، تامىر- تانىس، كورشى- قولان - بارىمەن ءبولىستىڭ. وسى ءسوزى وتىرىك دەسە، مەنىڭ بەتىمە كەلىپ ايتسىن. ەندىگى الداعى تىلەرىم وسى ەكى كوزىڭنىڭ اعى مەن قاراسى ەركە قىزدارىڭنىڭ قىزىعىن كورىپ، باقىتتى ءومىر سۇرسەڭ ەكەن»، - دەپ اعىنان جارىلدى ول.
جەلى قولدانۋشىلارىنا بەرگەن جاۋابىندا ەسەنتايەۆا اعاسىنىڭ قوس قىزى ايساۋلە مەن ايارۋمەن ارالاسپايتىنىن ايتىپ قالدى. ال اعاسىنا سوت رۇقسات ەتكەن كۇنى بارىپ تۇرادى ەكەن.
«بارىپ تۇرام، ارينە، ءبىراق كەلەسى كەزدەسۋ 9 ايدان سوڭ عانا بەرىلەدى. سىرتىنان قالىن سۇراپ، تاماعىن اپارىم تۇرامىن»، - دەيدى ول.
جۋىردا ناعيما اعاسى باقىتبەكتى 23 - اقپان - بۇرىنعى وتان قورعاۋشىلار كۇنىمەن قۇتتىقتاپ، تاعى دا ول جايلى سىر شەرتتى.
ءوز جازبالارىندا ناعيما ەسەنتايەۆا اعاسىنىڭ بۇرىنعى جۇبايى بايان ەسەنتايەۆانى مۇلدەم اتاماعان. ال سۇراعان جاندارعا: «باياندا شارۋام جوق»، - دەپ جاۋاپ بەرگەن.