چەح كلۋبىنىڭ فۋتبولشىسى قارسىلاس كوماندا قاقپاشىسىن اجالدان قۇتقاردى - كەسكىن

استانا. قازاقپارات - چەحتىڭ «سلوۆاتسكو» كلۋبىنىڭ شابۋىلشىسى فرانسيس كونە چەحيا چەمپيوناتىنىڭ 18-تۋرى ماتچىندا ءتىلىن تىستەپ قالعان «بوگەميانس 1905» قاقپاشىسى مارتينا بەركوۆەتستى اجالدان امان الىپ قالدى.

قاقپاشى ءوز كومانداسىنىڭ قورعاۋشىسىمەن سوقتىعىسىپ، ەسىنەن تانا قۇلاعان. ونىڭ تۇنشىعۋى ابدەن مۇمكىن ەدى، ءبىراق «سلوۆاتسكو» شابۋىلشىسى فرانسيس كونە زارداپ شەگۋشىگە دەر كەزىندە كومەك كوسەتە ءبىلدى. سوقتىعىسقان جەرگە كەلگەن دارىگەرلەر گولكيپەردى اۋرۋحاناعا الىپ كەتتى. بەركوۆەتس وندا ءتۇنى بويى بولىپ، تاڭەرتەڭ Facebook ارقىلى كونەگە دەر كەزىندە كورسەتكەن كومەگى ءۇشىن العىس ايتتى. كەزدەسۋ سەنبى، 25 -اقپاندا ءوتتى. جانە 0:0 ەسەبىمەن اياقتالدى.

اۆتور: ەرلان قوجاكەلديەۆ