ترامپتى قىزى كليمات جايلى كەلىسىمنەن شىقپاۋعا كوندىردى

استانا. قازاقپارات - ا ق ش پرەزيدەنتى دونالد ترامپتىڭ كەڭەسشىسى ءارى كۇيەۋ بالاسى دجارەد كۋشنەر مەن ونىڭ ايەلى، ترامپتىڭ قىزى يۆانكا ترامپ اق ءۇي باسشىسىن كليمات جونىندەگى پاريج كەلىسىمىنەن شىقپاۋعا كوندىرگەن.

بۇل تۋرالى جۇما كۇنى Wall Street Journal باسىلىمى اقپارات كوزدەرىنە سىلتەمە جاساپ حابارلادى.

باسىلىمعا اقپارات بەرگەندەردىڭ حابارلاۋىنشا، ترامپ كەلەسى اپتادا قول قويۋدى جوسپارلاعان جارلىقتار جوبالارىنان الگى كەلىسىم جايلى سوزدەر الىنىپ تاستالعان. ترامپ قول قويماقشى قۇجاتتار ا ق ش- تىڭ بۇرىنعى پرەزيدەنتى باراك وبامانىڭ قورشاعان ورتانى قورعاۋعا بايلانىستى كەيبىر جارلىقتارىنىڭ كۇشىن جويماق.

باسىلىمنىڭ اق ۇيدەگى دەرەك كوزدەرىنىڭ ءبىرىنىڭ سوزىنشە، دجارەد كۋشنەر مەن يۆانكا ترامپ پرەزيدەنتتىڭ قورشاعان ورتا مەن كليماتتىڭ وزگەرۋىنە بايلانىستى ماسەلەلەرگە قاتىستى كوزقاراسىن وزگەرتۋگە ىقپال ەتە الادى.

وتكەن جىلى سايلاۋ الدى كامپانياسى كەزىندە دونالد ترامپ باراك وبامانىڭ قورشاعان ورتانى قورعاۋ تۋرالى جارلىقتارىن ءجيى سىنايتىن. ترامپ ا ق ش پرەزيدەنتى بولىپ سايلانعان جاعدايدا ول جارلىقتاردىڭ كۇشىن جويۋعا قول جەتكىزۋگە ۋادە ەتكەن.

2015 -جىلى الەمنىڭ 200-گە جۋىق ەلى عالامدىق كليماتتىڭ جىلىنۋىنا قارسى كۇرەس جونىندەگى پاريج كەلىسىمىنە قول قويعان.

«ازاتتىق» جاڭالىقتارى