ماسكەۋدە ماحامبەت تەاترى قازاقشا سويلەدى
پەسادا نوبەل سىيلىعىنىڭ لاۋرەاتى، قۋعىنعا ۇشىراعان ورىس جازۋشىسى بوريس پاستەرناكتىڭ قيلى تاعدىرى كورىنىس تاپقان. پەسانى كىم قاشان جازعانىن قازاقستاندىق جۋرناليستەرگە بەلگىلى جازۋشى- دراماتۋرگ راقىمجان وتاربايەۆ ايتىپ بەردى. «تالانتتى ورىس جازۋشىسى، قوعام قايراتكەرى گەورگي پرياحيننىڭ بۇل شىعارماسى الەمنىڭ كوپتەگەن ەلدەرىنە تانىمال.
«تەرگەۋ» پوۆەسىن ورىس تىلىندە وقىعان كەزدە قاتتى تولقىپ، قازاق تىلىنە اۋداردىق. پوۆەستى جازۋشى تولەگەن بەرىشبايەۆ اۋداردى. وسىلايشا، ماحامبەت وتەمىسوۆ اتىنداعى تەاتر ۇجىمى سپەكتاكلگە قاتتى قىزىعىپ، ونى ساحنالادى» ، - دەيدى راقىمجان وتاربايەۆ.
جازۋشى پرياحين بىلتىر مامىر ايىندا اتىراۋعا كەلىپ، بۇرىن ءتىپتى ورىس تىلىندە قويىلماعان سپەكتاكلدىڭ قازاقشا «سويلەگەنىن» كورگەن كەزدە، كوزىنە جاس الىپ، تەاتردى ماسكەۋگە گاسترولگە شاقىرعان ەكەن.